پاکستانی کتابیں اب بھارت میں بھی شائع کی جائیں گی

پاکستانی کتابیں اب بھارت میں شائع ہوں گی۔ یہ بات ممبئی میں کتاب دار پبلیکیشن کے مالک شاداب رشید نے کہی ہے۔ ای ٹی وی بھارت سے بات کرتے ہوئے انہوں نے کہا کہ ہمارا مقصد صرف پاکستانی کتابوں کو ہی شائع کرنا نہیں ہے بلکہ بھارت میں بھی چند ایسی نایاب کتابیں جو وقت کے دھندلکے میں کہیں گم ہوگئی ہیں اُنہیں بھی دوبارہ منظر عام پر لایا جائے گا۔

اس سلسلہ کی پہلی کڑی پاکستان کی چار مطبوعات ہیں جسے 15 ستمبر تک منظر عام پر لایا جائے گا۔ پاکستانی کتابوں کو شائع کرنے کا بیڑہ کتاب دار پبلیکیشن ممبئی اور عرشیہ پبلیکیشن دہلی نے اٹھایا ہے۔ ان دونوں پبلیکیشن کے زیر اشتراک یہ عمل میں لایا جائے گا۔

شادب رشید کہتے ہیں کہ یہ کام بہت پہلے ہوچکا ہوتا، لیکن کورونا وبا کی وجہ سے زیر التواء رہا جسے اب عملی جامہ پہنایا جارہا ہے۔

حمید اختر کے شہکار خاکے

تقسیم ہند کے دوران ملک کی سرحدیں تقسیم ہوئیں، لوگ ایک جگہ سے دوسری جگہ ہجرت کرکے پہنچ گئے لیکن اردو ادب کی آج بھی بھارت اور پاکستان کے مابین وہی اہمیت ہے جو پہلے ہوا کرتی تھی۔

رقص نامہ

حالانکہ بھارت پاکستان کے بیچ ہونے والی تلخیوں کی آنچ ادب تک پہنچی کچھ دنوں تک سرحدوں پر تناؤ ہونے کے سبب کتابوں کو شائع کرنے کا سلسلہ رک گیا تھا۔ حالات بہتر ہونے کے بعد ادب کو اپنی قدیم حیثیت حاصل ہوئی۔

ابراہیم جلیس

پاکستانی کتابوں کو بھارت میں شائع کرنا نہ صرف قارئین کے لئے ایک تحفہ ہے بلکہ پبلیکیشن کی یہ کوشش دونوں ملکوں کے مابین سفارت کا کام کرنے میں اہم رول ادا کریں گی۔

ادب نہ صرف زندگی کی ترجمانی کرتا ہے بلکہ وہ معاشرے میں ہونے والی خامیوں کو اجاگر کرنے کا بھی کام کرتا ہے۔ یہی سبب ہے کہ تقسیم ہند کے دوران ملک دو حصوں میں تقسیم ہوا۔

زمین کو تقسیم کرنے کے بعد سرحدیں بنادی گئیں لیکن ان سب کے باوجود ادب کے قارئین کے مابین یہ تقسیم حائل نہیں ہوں سکی۔