نئی دہلی: سابق وزیر دفاع اے کے انٹونی کے بیٹے انیل انٹونی جمعرات کو دہلی میں بی جے پی میں شامل ہو گئے۔ بھارتیہ جنتا پارٹی میں شامل ہونے کے بعد انل انٹونی نے کہا کہ یہ ٹکٹ نہیں بلکہ قوم کے لیے وقف کرنے کی ضرورت ہے ۔ اپنے والد کے ساتھ تعلقات کے بارے میں بات کرتے ہوئے انیل انٹونی نے کہا کہ ہم سب مختلف ہیں اور ہماری سوچ بھی مختلف ہے۔ بی جے پی میں شامل ہونا میرا ذاتی فیصلہ ہے اور میرے والد کئی دہائیوں سے کانگریس سے وابستہ ہیں۔ کانگریس سے ان کا الگ تعلق ہے۔
انہوں نے کہا کہ میں نے اپنے گھر پر اس موضوع پر بات کی لیکن مجھے پہلے سے ہی معلوم تھا کہ مجھے کیا کرنا ہے اور میں نے وہی کیا جو مجھے درست لگا۔ میں خود کو بھارت کے لیے وقف کرنا چاہتا ہوں اور میں ایسا کروں گا۔ والد سے تعلقات پہلے کی طرح رہیں گے۔ بی جے پی کی رکنیت لینے کے بعد ایجنسی سے بات کرتے ہوئے انل انٹونی نے کہا کہ یہ میرے لیے اعزاز کی بات ہے کہ میں بی جے پی کے یوم تاسیس کے موقع پر پارٹی میں شامل ہوا ہوں۔ میں وزیر اعظم نریندر مودی، وزیر داخلہ امت شاہ اور قومی صدر جے پی نڈا کا شکریہ ادا کرتا ہوں۔
انہوں نے مزید کہا کہ یہ میرے لیے اعزاز کی بات ہے کہ میں بی جے پی جیسی قومی پارٹی سے وابستہ ہوں۔ میرے والد چھ دہائیوں سے کانگریس میں ہیں اور کئی اہم عہدوں پر فائز رہ چکے ہیں۔ بی جے پی میں رکنیت لینے سے پہلے میں نے ٹکٹوں کی تقسیم پر بات نہیں کی۔ آنے والے لوک سبھا انتخابات میں اہم ذمہ داری ہے۔ میرا مقصد صرف قوم کی خدمت کرنا ہے۔ بات چیت کے دوران انیل انٹونی نے مزید کہا کہ میں نے کانگریس کے کام کرنے کے طریقے کی وجہ سے کچھ مہینے پہلے کانگریس سے استعفیٰ دیا تھا۔ پارٹی نے اب دو تین لوگوں کے مفادات کو ترجیح دینا شروع کر دی ہے جس کے بعد میں بی جے پی میں شامل ہو گیا۔ کانگریس پارٹی اب وہ کانگریس نہیں رہی جسے میں بچپن سے جانتا تھا۔
مزید پڑھیں:۔ Anil Antony Joins BJP سابق وزیر دفاع اے کے انٹونی کے بیٹے بی جے پی میں شامل ہوئے
انٹونی نے بی جے پی کو کیوں منتخب اس کے بارے میں بات کرتے ہوئے انہوں نے کہاکہ بھارت میں بہت سی مقامی پارٹیاں ہیں لیکن بی جے پی ایک قومی پارٹی ہے اور قومی مفاد میں کام کر رہی ہے اور اسی لیے میں بی جے پی میں شامل ہوا ہوں۔ بی جے پی کا وژن صاف ہے، انہیں بھارت کو بدلنا ہے۔ آنے والے 25 سالوں میں بھارت مزید ترقی کرے گا۔ پی ایم مودی کی قیادت میں بھارت ترقی کر رہا ہے اور 25 سالوں میں بھارت ترقی کی سیاست کرنے کا پابند ہے۔ انٹونی کی بی جے پی میں شمولیت کے موقع پر مرکزی وزراء پیوش گوئل اور وی مرلیدھرن موجود تھے۔
