اس سے قبل دہلی پولیس نے سشیل کمار کی گرفتاری پر ایک لاکھ روپے انعام کا اعلان کیا تھا۔ دہلی پولیس نے پیر کو کہا کہ چھترسال اسٹیڈیم میں ساگر رانا کے قتل سے متعلق پہلوان سشیل کمار کی گرفتاری سے متعلق معلومات پر ایک لاکھ روپے دیئے جائیں گے۔ اس کے علاوہ سشیل کے ساتھ فرارچل رہے اجئے بکّروالا پر بھی پولیس نے 50 ہزار روپے کاانعام رکھا ہے ۔
قابل ذکر ہے کہ چھترسال اسٹیڈیم میں 23 سالہ ساگررانا کے قتل معاملے میں سشیل کمارو دیگرکے خلاف غیرضمانتی وارنٹ جاری کیا ہے۔
پہلوان سشیل کمار کی پیشگی ضمانت کی درخواست پر روہنی کی عدالت میں سماعت شروع ہوگئی ہے۔ سشیل کمار کی جانب سے یہ کہا گیا کہ پولیس نے بدنیتی پر مبنی طریقے سے کیس بنایا ہے۔ سشیل نے کہا ہے کہ وہ دو مرتبہ کے اولمپیئن ہیں اور انہیں راجیو گاندھی کھیل رتن، ارجن ایوارڈ، پدما شری مل چکے ہیں جبکہ سونو ہسٹری شیٹرہے اور اس پر کئی کیس درج ہیں۔
سشیل کی جانب سے یہ کہا گیا ہے کہ پولیس نے اس معاملے میں بہت سے حقائق کوچھپایا ہے ۔جیسے پانچ مئی کی شب 1:19 پرچھترسال اسٹیڈیم میں جھگڑے کی کال آئی اورکہا گیا کہ وہاں دو گولیاں چلیں ۔لیکن پولیس نے یہ نہیں بتایا کہ فائرنگ کس نے کی۔ گاڑی سے اسلحہ برآمد ہوا لیکن کوئی چشم دید نہیں ملا۔ اگر گولی ہوا میں چلائی گئی تو یہ قتل کا معاملہ کیسے بن گیا کیونکہ اس سے یہ واضح ہے کہ قتل کرنے کا ارادہ نہیں تھا۔
سشیل کے وکیل سدھارتھ لوتھرا نے کہا کہ کارسے جو ہتھیار برآمد ہوئے ہیں وہ سشیل کے نہیں ہیں۔ کارسے بھی اس کاکوئی تعلق نہیں ہے۔ان کی اہلیہ کے نام کی ملکیت پر ساگر کرائے پر رہ رہا تھا جس نے کرایہ نہیں دیا تھا۔ پولیس نے یہ بھی نہیں بتایا کہ سشیل کاپاسپورٹ ضبط کرلیا ہے۔
پولیس نے بتایا کہ ایک اسکارپیو ملی ہے۔ لیکن کوئی گواہ نہیں ملا۔ عدالت نے کہا کہ اگر معاملہ اتنا سنگین نہیں ہے تو پھر سشیل کمار بھاگ کیوں رہے ہیں، پولیس تحقیقات میں تعاون کریں۔
دہلی پولیس نے کہا کہ جہاں تک سشیل کے تمام ایوارڈ جیتنے کی بات کہی گئی ہے ہمیں ان پر فخر ہے، ہم نے پاسپورٹ اس لئے رکھ لیا تھا کہ کیونکہ ہمیں ڈر تھا کہ کہیں وہ ملک سے بھاگ نہ جائیں ۔ پوسٹ مارٹم رپورٹ میں بتایا گیا ہے کہ تمام انجری موت سے پہلے کی ہیں۔ سشیل کے وکیل کا کہنا تھا کہ چوٹ بندوق سے نہیں ہوئی ہے، فائرنگ ہوا میں کی گئی، مقصد قتل کرنے کا نہیں تھا۔ لہذا 302 آئی پی سی نہیں لگنی چاہیے۔ سشیل کمار کے وکیل نے بتایا کہ وہ ارجن ایوارڈی ہیں، اولمپک میں بھی دو تمغے جیت چکے ہیں۔سشیل کے وکیل نے بتایا کہ کار سے برآمد شدہ اسلحہ سشیل کا نہیں ہے۔
سشیل کمار کی جانب سے پیش ہوئے ایک اور وکیل بی ایس جاکھڑ نے عدالت کو بتایا کہ پولیس نے میرے مؤکل کے خلاف اس معاملےمیں ہیرا پھیری کی ہے۔ جوزخمی ہے سب سے اہم گواہ ہے، اس نے سشیل کے خلاف کوئی بیان نہیں دیا ہے۔
عدالت نے دہلی پولیس سے پوچھا کہ آخر اس کی گرفتاری کیوں ضروری ہے۔ اس پر دہلی پولیس نے کہا کہ اس کی بہت سی وجوہات ہیں، سشیل کی اہلیہ کے پاس ایک فلیٹ تھا جہاں دیگر ملزم (سونو اور ایک اور) رہ رہے تھے۔ ایسے الیکٹرانک ثبوت ہیں جہاں سشیل کومارپیٹ کرتے ہوئے دیکھاجاسکتا ہے۔ دہلی پولیس نے کہا کہ عدالت نے سشیل کمار کے خلاف غیر ضمانتی وارنٹ جاری کیا ہے، لہذا عدالت کے حکم کا احترام کرتے ہوئے ہمیں انہیں گرفتار کرنا ہوگا۔
