ضلع بدایوں کے گورنمنٹ پی جی کالج میں صرف اردو کو چھوڑ کر باقی تمام شعبہ جات میں یا تو اساتذہ پہلے سے موجود ہیں یا ان کی تقریری کی جا رہی ہے لیکن شعبہ اردو میں طلبہ کی کثیر تعداد ہونے کے باوجود بھی شعبہ گزشتہ 4 برس سے خالی ہے۔
اس اہم مسئلے پی جی کالج کی پرنسپل انشو ستیارتھی کا کہنا ہے کہ باقی تمام چیزیں بہتر ہیں، تمام مضامین کے اساتذہ بھی ہیں لیکن اردو میں استاذ نہ ہونے کی وجہ سے طلبہ کا بہت نقصان ہو رہا ہے۔
انہوں نے مزید کہا کہ اس سلسلے میں کچھ طلبا نے مجھ سے بات کی ہے اور میں نے بھی اس مسئلے کو اعلیٰ افسران تک پہنچانے کی کوشش کی ہے۔
انہوں نے آگے کہا کہ انہیں امید ہے کہ آنے والے وقت میں اردو طلبہ کے لیے اردو شعبے میں کچھ نہ کچھ انتظام کیا جائے گا تاکہ بچے اپنی زندگی کی راہ پر بہتر طور سے گامزن ہو سکیں۔
اسی کالج کے اسسٹنٹ پروفیسر اور پراکٹر انل کمار جو تاریخ پڑھاتے ہیں، ان کا کہنا تھا کہ کالج انتظامیہ اردو شعبہ کے لئے استاد کی تقرری کے لئے کوشاں ہے اور طلبہ کی دشواری دور کرنے کے لیے لیے جلد از اردو شعبہ میں استاد کا انتظام کرنے کے لئے فکر مند ہے۔
واضح رہے گورنمنٹ ڈگری کالج بدایوں میں گزشتہ چار برس سے کوئی استاد نہیں ہے، جس کے سبب اردو کی تعلیم حاصل کر رہے طلبہ کو بہتر تعلیم و رہنمائی نہیں ہو پارہی ہے، جس کے سبب یہ طلبہ اپنے مستقبل کو لیکر فکر مند ہیں۔
مزید پڑھیں:
یوپی مدرسہ بورڈ جلدی ہی موبائل اپلیکیشن لانچ کرے گا
ایسے میں کالج انتظامیہ کو اس کالج کے اردو شعبے کے لیے جلد از جلد اساتذہ کی تقرری کرنی چاہیے تاکہ اردو مضمون کو لے کر تعلیم حاصل کرنے والے طلبہ کے مستقبل کو اندھیرے میں غرق ہونے سے بچایا جا سکے۔
