کروز ڈرگز پارٹی معاملہ: شاہ رخ خان کے بیٹے سے پوچھ گچھ

ممبئی سے گوا جانے والی کروز میں ہو رہی پارٹی میں این سی بی کی ٹیم نے چھاپہ مارا۔ اس پارٹی میں بالی ووڈ اسٹار شاہ رخ خان کے بیٹے آرین کا نام بھی منظر عام پر آیا ہے۔ این سی بی کی ٹیم ان سے پوچھ گچھ کر رہی ہے۔ جبکہ اس معاملے میں 8 افراد کو گرفتار کیا گیا ہے۔

نارکوٹکس کنٹرول بیورو (این سی بی) نے کل رات ممبئی سے گوا جانے والے کروز شپ پر چھاپہ مارا۔ اس دوران دس افراد اے این سی بی کے ہاتھ لگ گئے، جس میں اداکار شاہ رخ خان کے بیٹے آرین خان سے پوچھ گچھ کی جاری ہے۔ کروز شپ پر گزشتہ آٹھ گھنٹوں سے زیادہ عرصے سے کارروائی جاری ہے۔ این سی بی نے حراست میں لیے گئے افراد کا انکشاف نہیں کیا ہے۔ تمام گرفتار افراد کو ممبئی لایا جا رہا ہے۔

وہیں اس سنگین کیس میں سپر سٹار شاہ رخ خان کے بیٹے آرین خان کا نام آنے کی وجہ سے معاملہ مزید گہرا ہو گیا ہے۔ ایک رپورٹ کے مطابق این سی بی شاہ رخ خان کے بیٹے آرین سے کروز پر ڈرگز پارٹی کے سلسلے میں پوچھ گچھ کر رہی ہے۔ آرین خان سمیت زیر حراست تمام دس افراد کے فون ضبط کر لیے گئے ہیں۔