ممبئی نارکوٹکس کنٹرول بیورو کی ٹیم بالی ووڈ اداکارہ شاہ رخ خان کے رہائش گاہ منت پہنچی ہے۔
واضح رہے کہ اداکار شاہ رخ خان آج اپنے بیٹے آرین خان سے ملاقات کرنے آرتھر جیل بھی پہنچے تھے۔ شاہ رخ صبح قریب 10 بجے کے قریب آرتھر جیل پہنچے اور وزیٹر لائن کے ذریعے اندر داخل ہوئے۔ یہ پہلی بار ہے جب شاہ رخ جیل میں قید آرین خان سے ملنے پہنچے تھے۔ اس سے قبل وہ ویڈیو کال کے ذریعے آرین خان سے بات کرتے رہے ہیں۔
بتا دیں کہ گزشتہ روز خصوصی عدالت نے ڈرگ معاملے پر فیصلہ سناتے ہوئے آرین کی ضمانت کی عرضی کو مسترد کر دیا۔عدالت نے اس سے قبل آرین خان کی ضمانت عرضی پر اپنا فیصلہ محفوظ رکھا تھا۔
واضح رہے کہ نارکوٹکس کنٹرول بیورو کی جانب سے 2 اکتوبر کو ممبئی کروز شپ پارٹی پر چھاپہ ماری کے دوران آرین خان کو گرفتار کیا گیا تھا۔ اس چھاپہ ماری میں آرین خان کے دوست ارباز مرچنٹ سمیت سات دیگر افراد کو بھی گرفتار کیا گیا ہے۔
