وزیر اعظم نریندر مودی نے بھارت رتن ڈاکٹر باباصاحب امبیڈکر کو ان کے یوم پیدائش پر خراج عقیدت پیش کیا ہے۔ بدھ کو ایک ٹویٹ کے ذریعہ مودی نے ڈاکٹر باباصاحب امبیڈکر کو خراج عقیدت پیش کیا۔ انہوں نے ٹویٹ میں لکھا کہ 'معاشرے کے محروم طبقات کو قومی دھارے میں لانے کے لئے ان کی جدوجہد آنے والی نسلوں کے لئے ایک مثال بنی رہے گی۔'
یہ بھی پڑھیں: دیدی تمام حدود کو عبور کررہی ہیں: مودی
ڈاکٹر امبیڈکر کی سالگرہ 14 اپریل کو بھارت سمیت پوری دنیا میں ایک طرح کے تہوار کے طور پر منائی جاتی ہے۔ اس دن کو یوم مساوات اور یوم علم' کے طور پر بھی منایا جاتا ہے کیوں کہ بابا صاحب امبیڈکر جنہوں نے ساری زندگی مساوات کے لئے جدوجہد کی، جنہیں مساوات اور علم کی علامت سمجھا جاتا ہے۔
یو این آئی
