''کسانوں کو وہ تمام حقوق دینا چاہیے جس کے وہ حقدار ہیں''

دہلی چلو پید یاترا پر نکلے ناگراج نے کہا کہ 'گذشتہ نو ماہ سے کسان اپنے مطالبات منوانے کے لیے احتجاج کر رہے ہیں لیکن مرکزی حکومت کے پاس ان سے بات کرنے کا وقت نہیں ہے اور نہ ہی وہ ان کے مسائل کو حل کرنے کے لیے سنجیدہ ہے۔'

ریاست کرناٹک کے ضلع باگلکوٹ کے رہائشی ناگراج نے فروری 2021 سے ''دہلی چلو پید یاترا'' چامراج نگر سے اپنا سفر شروع کیا ہے۔ ضلع یادگیر کے تعلقہ شاہ پور میں ناگراج کی آمد پر کرناٹک کسان سنگھ یادگیر کی جانب سے ان کا استقبال کیا گیا۔

اس موقع پر ناگراج نے میڈیا سے بات کرتے ہوئے کہا کہ فروری 2021 سے دہلی چلو پید ترا چامراج نگر کرناٹک سے شروع کیا۔ اس یاترا میں وہ تقریبا سات ہزار کلومیٹر تک چلیں گے۔

انہوں نے بتایا کہ کرناٹک کے 31 اضلاع سے ہوکر مہاراشٹرا کے شولاپور، مدھیہ پردیش، اترپردیش سے ہوتے ہوئے دہلی جا رہا ہوں۔ اس سفر کا واحد مقصد مرکزی حکومت کی جانب سے نافذ کردہ تینوں زرعی قوانین خلاف بیداری پیدا کرنا ہے۔

انہوں نے کہا کہ کسانوں کو وہ تمام حقوق دینا چاہیے جس کے وہ حقدار ہیں۔ انہوں نے کہا کہ اگر بھارت کو مستحکم ہونا ہے تو دیہی سطح پر ترقی کرنا لازمی ہے۔

انہوں نے کہا کہ گذشتہ نو ماہ سے کسان اپنے مطالبات منوانے کے لیے احتجاج کر رہے ہیں لیکن مرکزی حکومت کے پاس ان سے بات کرنے کا وقت نہیں ہے اور نہ ہی وہ ان کے مسائل کو حل کرنے کے لیے سنجیدہ ہے۔

انہوں نے کہا کہ مرکزی حکومت کا کسانوں کے ساتھ جو رویہ ہے وہ غلط ہے۔ مرکزی حکومت کسانوں کے عام حقوق کی بھی خلاف ورزی کر رہی ہے۔