مہاراشٹر میں مسلمانوں کو بھی ریزرویشن کا حق ملنا چاہیئے: اشوک چوہان

ریاست مہاراشٹر کے ضلع اورنگ آباد میں ریاستی وزیر و سابق وزیراعلیٰ اشوک چوہان نے کہا کہ مہاراشٹر میں مسلمانوں کو بھی ریزرویشن کا حق ملنا چاہیئے، وہ اورنگ آباد میں میڈیا سے خطاب کررہے تھے۔ اشوک چوہان نے اورنگ آباد میونسپل کارپوریشن کے الیکشن میں بلاک سسٹم پر اعتراض ظاہر کیا۔

مہاراشٹر میں مسلمانوں کو بھی ریزرویشن کا حق ملنا چاہیے، ان خیالات کا اظہار ریاست کے سابق وزیر اعلیٰ اور موجودہ پی ڈبلیو ڈی وزیر اشوک چوہان نے کیا۔ وہ اورنگ آباد کے دورے پر تھے۔

اس موقع پر میڈیا سے بات چیت میں اشوک چوہان نے کہا کہ مراٹھا اور او بی سی ریزرویشن کے لیے ایمپیریکل ڈاٹا کی تیاری کی جارہی ہے، لیکن مسلم ریزرویشن کو بھی نظر انداز نہیں کیا جارہا ہے۔ مناسب وقت پر اس کا بھی فیصلہ کیا جائے گا۔

ریاستی وزیر نے بلاک سسٹم پر میونسپل کارپوریشن کے الیکشن کروانے پر اعتراض جتایا ہے۔