مسلم سماج اپنے حقوق سے محروم: عمران بنٹی

یوپی کے جونپور میں ایم آئی ایم کے ضلع صدر عمران بنٹی نے کہا کہ اتر پردیش میں سماج وادی پارٹی، کانگریس اور بی ایس پی جیسی جماعتوں کو مسلمانوں نے بی جے پی کے خلاف ووٹ دیا لیکن یہ جماعتیں آج بی جے پی کے سامنے مسلمانوں کے مسائل سر بسجود دکھائی دے رہی ہیں۔

ریاست اترپردیش کے ضلع جونپور میں ایم آئی ایم کے ضلع صدر عمران بنٹی کی صدارت میں 25 نومبر کو اسد الدین اویسی کے 'سوشت۔ونچت سماج سمیلن' کو کامیاب بنانے کے لیے ایک نشست کا اہتمام کیا گیا۔ نشست میں ضلع تنظیم کے تمام عہدیداران اور شہر صدر نے شرکت کی۔ اس دوران کانفرنس کو کامیاب بنانے کے لیے مختلف امور پر تبادلۂ خیال کیا گیا۔

اس موقع پر ضلع صدر عمران بنٹی نے کہا کہ 25 نومبر کو اے آئی ایم آئی ایم کے قومی صدر اسد الدین اویسی 'سوشت۔ونچت سماج سمیلن' کے تحت گورینی بازار میں خطاب کریں گے۔ اس کے دوران تمام کارکنان کانفرنس کو کامیاب بنانے کے لیے مستعد ہوجائیں۔

مسلم سماج اپنے حقوق سے محروم: عمران بنٹی

انہوں نے کہا کہ اتر پردیش میں سماج وادی پارٹی، کانگریس اور بی ایس پی جیسی جماعتوں کو مسلمانوں نے بی جے پی کے خلاف ووٹ دیا لیکن یہ جماعتیں آج بی جے پی کے سامنے مسلمانوں کے مسائل پر سر بسجود دکھائی دے رہی ہیں۔

انہوں نے کہا کہ مسلم سماج اپنے حقوق سے محروم ہے۔ اس کا استحصال ہو رہا ہے۔ اے آئی ایم آئی ایم تمام مذاہب کے استحصال شدہ سماج کے ساتھ ہونے والی ناانصافیوں کے لیے لڑائی لڑے گی۔

اس موقع پر ضلع جنرل سکریٹری جاوید صدیقی، دلراج بابو ایڈوکیٹ، شاہ نیاز احمد، املیش راج بھر، قمر الدین انصاری، ضلع جوائنٹ سکریٹری ارون نگر، ارشاد احمد، محمد اکرم، جاوید عظیم، شہر صدر شہزاد انصاری، نسیم احمد، راجیندر پرساد، آصف علی، راجیش راج بھر، شاہ عالم اور آفتاب عالم وغیرہ موجود تھے۔