ضلع اقلیتی کانگریس کمیٹی کے ترجمان حسان واصف نے بتایا کہ پالی ٹیکنک داخلہ امتحان پاس کرنے والے ایسے طلبہ جن کو پرائیویٹ پالی ٹیکنک کالج الاٹ ہوئے ہیں ان سے کاؤنسلنگ کے دوران مقررہ 45 ہزار روپئے فیس کے علاوہ مختلف مد میں فیس طلب کی جارہی ہے۔
بارہ بنکی میں پالی ٹیکنک کورس میں داخلے کے لیے زیادہ فیس کی وصولی
کانگریس ترجمان کا الزام ہے اس طرح پرائیوٹ کالجوں کی جانب سے تقریباً 75 ہزار روپے تک فیس وصول کی جارہی ہے جس کی وجہ سے داخلہ لینے والے طلبہ پریشان ہیں۔ اقلیتی کانگریس نے ضلع مجسٹریٹ سے مطالبہ کیا ہے کہ اس معاملے پر جلد کارروائی کی جائے۔ اقلیتی کانگریس نے انتباہ کیا ہے کہ اگر اس مسئلہ کو حل نہیں کیا گیا تو احتجاج شروع کیا جائے گا۔
