ریاست اتر پردیش کے مراد آباد کانٹھ اسمبلی سے بی جے پی رکن اسمبلی راجیش کمار عرف چنّو نے ای ٹی وی بھارت اردو سے خاص گفتگو کرتے ہوئے کہا کہ ہم نے اپنے اسمبلی حلقے میں اب تک مختلف ترقی یافتہ کام کرائے ہیں۔ سب سے پہلے عوام کا مطالبہ یہ تھا کہ یہاں پر روڈویز بس اڈّا بنایا جائے کیونکہ یہاں سے ہری دوار اور کلیر شریف کو بسیں جاتی ہیں، تاکہ کانٹھ کے لوگوں کو بسوں کی سہولت مل سکے۔
یہ بھی پڑھیں:
مرادآباد: کوئلہ ڈپو مالک سے خصوصی گفتگو
ریاست اتر پردیش کے کانٹھ علاقے میں سب سے بڑا اور قدیم کاروبار بینڈڈ پٹی کا ہے اور یہ کاروبار مسلم کمیونٹی کے بنکر کرتے ہیں۔ جب ان سے سوال کیا گیا کہ ان بنکروں کے کاروبار کی پریشانیوں کو حل کرنے کے لیے آپ نے کیا خاص قدم اٹھائے ہیں تو بی جے پی رکن اسمبلی نے جواب دیا کہ ہم نے بنکروں کے لیے سڑکیں تیار کرائی ہیں کیونکہ بنکروں کو آنے جانے میں اور مال لانے لے جانے کے لئے کافی پریشانیاں اٹھانی پڑتی تھیں لیکن اب ایسا نہیں ہے۔
