کانگریس کے سابق صدر راہل گاندھی نے بھارتی کرکٹر محمد شامی پر تبصرہ کرنے والوں کو نشانہ بناتے ہوئے کہا کہ یہ لوگ نفرت سے بھرے ہوئے ہیں۔ انہوں نے ٹویٹ کیا کہ محمد شامی ہم آپ کے ساتھ ہیں۔
راہل نے ٹویٹ کیا کہ یہ لوگ نفرت سے بھرے ہوئے ہیں کیونکہ انہیں کوئی پیار نہیں دیتا۔ انہیں معاف کر دو۔ اس سے قبل کانگریس کے ترجمان پون کھیرا نے کہا کہ کھیل کو کھیل ہی رہنے دیا جانا چاہیے اور اس میں کوئی سیاست نہیں ہونی چاہیے۔
دوسری جانب سچن ٹنڈولکر وریندر سہواگ، وی وی ایس لکشمن سمیت سابق اور موجودہ بھارتی کھلاڑیوں نے بھی شامی کی حمایت کی ہے۔ جنہیں ورلڈ کپ کی تاریخ میں پاکستان کے خلاف ملک کی کرکٹ ٹیم کی پہلی شکست کے بعد آن لائن نشانہ بنایا گیا۔
یہ بھی پڑھیں: T20 World Cup 2021: پاکستان نے بھارت کو 10 وکٹوں سے شکست دی
بھارت کو اتوار کو ٹی ٹوئنٹی ورلڈ کپ کے اپنے پہلے میچ میں 10 وکٹوں سے شکست کا سامنا کرنا پڑا۔ اس دوران شامی بھارت کے سب سے مہنگے گیندباز ثابت ہوئے اور انہوں نے 3.5 اوورز میں 43 رنز دیے۔
