اسلام آباد: ازبکستان کے سمرقند میں 15 اور 16 ستمبر کو ہونے والی شنگھائی تعاون تنظیم (ایس سی او) چوٹی کانفرنس کے دوران وزیر اعظم نریندر مودی اور ان کے پاکستانی ہم منصب شہباز شریف کے درمیان ملاقات کا امکان نہیں ہے۔ ہمسایوں کے درمیان ایس سی اومیں ایک الگ میٹنگ کے سوال کاجواب دیتے ہوئے دفتر خارجہ کے ترجمان عاصم افتخار نے ڈان کو بتایا، ’’بھارتی وزیراعظم کے ساتھ کسی بھی میٹنگ کا تصور نہیں کیا گیا ہے۔" Modi Shahbaz meet is not possible in SCO
ڈان اخبار کے رابطہ کرنے پر ایک اہلکار نے کہا کہ اگرچہ دونوں کے درمیان مختصر خیرسگالی پر مبنی ملاقات ممکن ہے لیکن وہ بات چیت نہیں کریں گے۔ عہدیدار نے کہا کہ کسی بھی فریق نے ملاقات کا مطالبہ نہیں کیا ہے۔
یہ بھی پڑھیں: SCO summit in Samarkand نریندر مودی کی چینی صدر اور پاکستانی وزیراعظم سے ملاقات متوقع
دفتر خارجہ نے ایک بیان میں تصدیق کی کہ مسٹر شریف ایس سی او کی کونسل آف ہیڈز آف سٹیٹ (سی ایچ ایس) کے 22ویں سالانہ اجلاس میں شرکت کریں گے۔ قابل ذکر ہے کہ 2001 میں قائم جنوبی اور وسطی ایشیا میں پھیلی ہوئی ایک بڑی بین علاقائی تنظیم ہے۔
یو این آئی
