بہار کے انتخابی نتائج آنے کے بعد وزیر اعظم نریندر مودی نے ٹویٹ کیا کہ بہار کے عوام کی وجہ سے ایک بار پھر جمہوریت جیت گئی ہے۔
وزیر اعظم مودی نے بہار اسمبلی انتخابات کے نتائج کے حوالے سے بہار کے عوام کو مبارکباد دی ہے، انہوں نے ٹویٹ پیغام میں بہار کے عوام کا شکریہ ادا کیا ہے۔
وزیر اعظم مودی نے اپنے ٹویٹ میں لکھا ہے کہ 'بہار میں بہار کے عوام کے فیصلے سے جمہوریت نے ایک بار پھر کامیابی حاصل کی ہے، اس کے ساتھ ہی این ڈی اے کے کارکنان نے جس عزم اور لگن کے ساتھ کام کیا ہے، وہ عمدہ کارکردگی کے مترادف ہے، میں کارکنان کو مبارکباد پیش کرتا ہوں اور بہار کے عوام سے دلی شکریہ ادا کرتا ہوں۔'
انتخابات کے نتائج دیکھ کر مودی نے یکے بعد دیگرے دو ٹویٹز کیے، وہ اپنے دوسرے ٹویٹ میں لکھتے ہیں 'بہار نے دنیا کو جمہوریت کا پہلا سبق پڑھایا ہے۔ آج بہار نے ایک بار پھر دنیا کو بتایا ہے کہ کس طرح جمہوریت مضبوط ہوتی ہے۔ غریب، استحصال شدہ افراد اور خواتین کی بڑی تعداد نے بھی ووٹ دیا ہے اور آج انہوں نے ترقی کے لیے فیصلہ کن اکثریت بھی دی ہے۔'
دوسرے ٹویٹ میں وہ لکھتے ہیں کہ 'بہار کے ہر ووٹر نے واضح طور پر کہا ہے کہ وہ خواہش مند ہیں اور اس کی ترجیح صرف اور صرف ترقی ہے، بہار میں 15 سال گزر نے کے بعد بھی این ڈی اے کی گڈ گورننس کی وجہ سے ایک بار پھر یہ پتہ چلتا ہے کہ بہار کے خواب اور توقعات کیا ہیں۔'
