پالگھر (مہاراشٹر): مہاراشٹر کے پالگھر کے تارا پور علاقے میں منگل کی نیم شب کو ایک کیمیکل فیکٹری میں زبردست آگ لگ گئی۔ تارا پور علاقے میں واقع مہاراشٹر انڈسٹریل ڈیولپمنٹ کارپوریشن (MIDC) کی ایک کیمیکل فیکٹری میں آگ لگ گئی۔ آگ لگنے سے کئی دھماکوں کی آوازیں سنی گئیں۔ بتایا جا رہا ہے کہ فیکٹری میں سلسلہ وار دھماکوں کے بعد آگ نے ہولناک شکل اختیار کر لی۔ Chemical plant catches fire in Maharashtras Palghar
کیمیکل فیکٹری میں آگ لگنے سے اہل محلہ میں خوف و ہراس کی فضا پھیل گئی۔ آگ لگنے کی اطلاع ملتے ہی فائر بریگیڈ اور محکمہ پولیس کی ٹیم موقع پر پہنچ گئی۔ فی الحال فائر بریگیڈ کی ٹیم آگ پر قابو پانے کی کوشش کر رہی ہے۔ آگ اتنی بھیانک ہے کہ اس کے شعلے کئی کلومیٹر تک دکھائی دے رہے تھے، پلانٹ میں آگ لگنے سے علاقے میں کیمیکل کا دھواں پھیل گیا، جس کی وجہ سے وہاں موجود لوگوں کو سانس لینے میں دشواری کا سامنا ہے۔
آگ لگنے کی اصل وجہ کا ابھی تک پتہ نہیں چل سکا ہے۔ ساتھ ہی ابھی تک اس حادثے میں جان و مال کے نقصان کا اندازہ نہیں لگایا جاسکا ہے۔ ابھی تک اس معاملے میں کسی جانی نقصان کے بارے میں کوئی اطلاع نہیں ملی ہے۔
مزید پڑھیں:۔ Fire in Noida Factory: فیکٹری میں آتشزدگی سے لاکھوں کا نقصان
