منڈی کے رکن پارلیمان رام سوروپ شرما کی مشتبہ حالت میں موت

ہماچل پردیش کے منڈی کے رکن پارلیمان رام سوروپ شرما کی مشتبہ حالت میں موت ہوگئی ہے۔ بی جے پی رکن پارلیمنٹ رام سوروپ شرما کی لاش نارتھ ایوینیو کے ان کے فلیٹ سے ملی ہے۔ ابتدائی تفتیش میں پولیس کو خودکشی کا خدشہ ہے۔ فی الحال ، پورے معاملے کی تحقیقات ہو رہی ہے۔

معلومات کے مطابق ہماچل کے منڈی سے رکن پارلیمان رام سوروپ شرما دہلی کے نارتھ ایونیو علاقے میں رہتے تھے۔ بدھ کی صبح پولیس کو اطلاع ملی کہ وہ کمرے میں مردہ حالت میں پڑے ہیں۔ پولیس نے لاش کو اپنے قبضہ میں لے لیا ہے۔ پولیس نے خودکشی کا خدشہ ظاہر کیا ہے۔ تاہم موت کی واضح وجہ پوسٹ مارٹم رپورٹ کے بعد ہی معلوم ہوسکے گی۔