فڑنویس نے نامہ نگاروں سے کہا کہ ممتا دیدی صاف صاف بول رہی ہیں لیکن نیشنلسٹ کانگریس پارٹی Nationalist Congress Party (این سی پی) کے صدر شرد پوار دائرے میں رہ کر بات کر رہے ہیں، حالانکہ دونوں بیانات کا مطلب ایک ہی ہے۔ پوار براہ راست بات نہیں کر سکتے کیونکہ این سی پی NCP کو ریاست میں مسائل ہو سکتے ہیں، انہیں مہاراشٹر میں حکومت چلانے کے لیے کانگریس کی حمایت کی ضرورت ہے، اس لیے پوار واضح طور پر بات نہیں کر سکتے۔
بنرجی کے دورہ ریاست کے بارے میں انہوں نے کہا کہ جب وہ وزیر اعلیٰ تھے تو انہوں نے ملک کے سبھی وزرائے اعلی کا صنعت کاروں کو مدعو کرنے کے لیے خیر مقدم کیا تھا۔ کسی دوسری ریاست کے وزیر اعلیٰ کا استقبال کرنے میں کوئی حرج نہیں ہے لیکن اگر بی جے پی کی حکومت والی ریاست کا وزیر اعلیٰ آئے اور ریاستی حکومت اس پر تنقید کرے تووہ غلط ہے۔
دریں اثنا، انتخابی حکمت عملی ساز پرشانت کشور نے کہا کہ کانگریس گزشتہ 10 سالوں کے دوران 90 فیصد انتخابات ہار چکی ہے۔ اس لیے کانگریس کو اپوزیشن پارٹی کی قیادت کرنے کا حق نہیں ہے۔
یہ بھی پڑھیں: Mamata Banerjee In Mumbai: ممتا بنرجی کی ادتیہ ٹھاکرے اور سنجے راوت سے ملاقات
واضح رہے کہ بنرجی اور پوار Banerjee and Pawar نے مشترکہ پریس کانفرنس سے خطاب کرتے ہوئے کہا تھا کہ یو پی اے کہاں ہے، یو پی اے UPA کیا کر رہی ہے۔ ہم بی جے پی حکومت کے خلاف مضبوطی سے لڑنا چاہتے ہیں، کانگریس خاموش ہے اور کوئی جنگ نہیں لڑ رہی ہے۔
یو این آئی
