دہلی کمیشن برائے خواتین کی چیئرپرسن سواتی مالیوال نے ترلوک پوری میں ایک چھ سالہ بچی کے جنسی استحصال کے سلسلے میں دہلی پولیس کو نوٹس جاری کیا ہے۔
محترمہ مالیوال نے اس معاملہ میں جمعرات کو تھانہ میور وہار کے اسٹیشن ہاؤس افسر (ایس ایچ او) کو نوٹس جاری کرتے ہوئے واقعہ کے بارے میں مکمل معلومات مانگی۔
انہوں نے ایف آئی آر کی کاپی ، گرفتار ملزم کی تفصیلی معلومات سمیت کارروائی کی مکمل تفصیلات طلب کی ہیں۔
اس واقعہ سے متعلق تمام معلومات 16 اگست کو صبح 11 بجے تک کمیشن کے سامنے پیش کرنے کو کہا گیا ہے۔
قابل ذکر ہے کہ دہلی پولیس نے ملزم سموگن (34) کو بدھ کی رات دیر گئے گرفتار کیا تھا۔
حادثے کے بعد لڑکی کو ایمس میں داخل کرایا گیا جہاں اس کی حالت مستحکم بتائی جارہی ہے۔
مزید پڑھیں:نابالغ لڑکی کے ساتھ جنسی استحصال
اس معاملے میں میور وہار پولیس اسٹیشن میں دفعہ 376 اے بی/ پاکسواورایس سی ایس ٹی سیکشن 3 (2) (وی) کے تحت مقدمہ درج کیا گیا ہے۔
قابل ذکر ہے کہ اس سے قبل یکم اگست کو چھاؤنی کے علاقے پرانی نانگل گاؤں میں ایک نو سالہ بچی کا ریپ کرنے کے بعد قتل کردیا گیا تھا۔
یواین آئی
