UPSC Civil Services 2021: یو پی ایس سی امتحان میں کل تئیس مسلم امیدوار کامیاب

سول سروسز امتحانات 2021 کے نتائج جاری کر دیے گئے ہیں، جس میں جامعہ ملیہ ریزیڈنشیل کوچنگ سے شروتی شرما نے ملک بھر میں اول مقام حاصل کیا ہے۔ وہیں اس سال صرف 23 مسلم امیدوار ہی کامیاب ہو سکے۔ واضح رہے کہ ٹاپ 100 میں کسی بھی مسلمان کو جگہ نہیں ملی ہے اور اس طرح اس بار کے نتائج میں مسلم نمائندگی محض تین فیصد سے کچھ زیادہ ہے۔ یہ تقریباً گذشتہ ایک دہائی کے دوران یو پی ایس سی میں مسلم امیدواروں کی سب سے خراب کارکردگی ہے۔ Successful Muslim Candidates in UPSC 2021

یوپی ایس سی سول سروسز امتحان 2021 کا حتمی نتیجہ آج جاری کر دیا گیا۔ یونین پبلک سروس کمیشن (یو پی ایس سی) کے ذریعہ جاری کردہ ریزلٹ کے مطابق شروتی شرما (رول نمبر 0803237) نے ملک بھر میں پہلا مقام حاصل کیا ہے۔ وہیں اس بار 685 کی امیدواروں کی فہرست میں کل 23 مسلم امیدوار ہی یو پی ایس سی میں کامیاب ہو سکے۔

ٹاپ سو میں کسی بھی مسلمان کو جگہ نہیں ملی اور اس طرح اس سال کے نتائج میں مسلم نمائندگی محض تین فیصد سے کچھ زیادہ ہے۔ یہ تقریباً گذشتہ ایک دہائی کے دوران مسلم امیدواروں کی سب سے خراب کارکردگی ہے۔ گزشتہ سال 31 مسلم امیدواروں نے کامیابی حاصل کی تھی۔ AList of Successful Muslim Candidates in UPSC 2021

جن مسلم امیدواروں نے سول سروسز کے امتحان میں کامیابی حاصل کی ہے، ان کے نام درج ذیل ہیں:

نمبر شمارہ	نام	رینکنگ
1	اریبہ نعمان	109
2	محمد صبور خان	125
3	سید مصطفیٰ ہاشمی	162
4	افنان عبدالصمد	274
5	ارشد محمد	276
6	محمد ثاقب عالم	279
7	اسرار احمد کچلو	287
8	محمد عبدالرؤف شائق	309
9	نازش عمر انصاری	344

10	فیصل خان	364
11	سمائلہ چودھری	368
12	مہوش ٹاک	386
13	محمد قمرالدین خان	414
14	محمد شبیر	419
15	فیصل رضا	441
16	معصوم رضا خان	457
17	آصف اے	464
18	تحسین بانو ڈوڈی	482
19	شیخ محمد زیب ذاکر	496

20	مسکان ڈاگر	474
21	محمد صدیق شریف	516
22	محمد شوکت عظیم	545
23	انور حسین	600

2020 میں کل 761 میں سے کل 31 مسلمان امیدواروں نے سول سروسز کا امتحان پاس کیا تھا۔ 2019 میں، 42 مسلمانوں نے امتحان میں کامیابی حاصل کی تھی جب کہ 2018 میں 27 مسلمان ہی فائنل کے نتیجے میں پہنچے تھے۔ سال 2016 اور 2017 مسلم امیدواروں کے لیے روشن ترین دور تھا۔ 2016 میں 52 مسلمان کامیاب امیدواروں کی فہرست میں شامل تھے جب کہ 2017 میں ان کی تعداد 50 تھی۔

2015 میں، یونین پبلک سروس کمیشن (UPSC) کی طرف سے تجویز کردہ 1,078 امیدواروں میں 34 مسلمان تھے جب کہ 2014 میں کل 1,236 امیدواروں کی فہرست میں 38 مسلمان تھے۔ 2013 میں کل 34 مسلمانوں نے امتحان پاس کیا تھا جب کہ 2012 میں 30 مسلمان کامیاب امیدواروں میں شامل تھے، ان میں سے چار ٹاپ 100 میں شامل تھے۔

2012 میں 30 مسلمان کامیاب امیدواروں میں شامل تھے اور 2011 میں 31 مسلمان تھے۔ وہیں 2010 میں سول سروسز کے لیے منتخب 920 میں سے 875 کامیاب امیدواروں میں 21 مسلمان تھے جن میں کشمیر کے ڈاکٹر شاہ فیصل نے قومی سطح پر امتحان میں ٹاپ کیا تھا۔ 2009 میں 791 کامیاب امیدواروں کی فہرست میں کل 31 مسلمان تھے۔