ریاست اترپردیش کے ضلع مرادآباد میں بائیں محاذ کے کارکن اور عہدے داروں نے ڈی ایم کے ذریعہ صدر جمہوریہ کو ایک میمورنڈم بھیج کر مطالبہ کیا ہے کہ ملک بھر میں بڑھتی مہنگائی، پیٹرول ڈیزل اور گیس کی قیمتوں میں کمی کی جائے۔ انہوں نے کہا کہ اگر اس مہنگائی پر قابو نہیں پایا گیا تو عوام پر اس کا گہرا اثر پڑے گا۔
مہنگائی اور جرائم کے خلاف بائیں محاذ کا احتجاج
مظاہرین کا کہنا ہے کہ ریاست میں مسلسل بڑھتے جرائم پر روک لگنی چاہیے، عصمت دری کے واقعات میں روزانہ اضافہ ہورہا ہے اور یوگی حکومت خاموش ہے۔ حال ہی میں مرادآباد تھانہ کانٹھ علاقے کے محلہ پٹی والا میں ایک سات سالہ معصوم بچی کے ساتھ عصمت دری کرکے اسکا قتل کر دیا گیا۔
مزید پڑھیں:۔ مہنگائی کے خلاف ایس ڈی پی آئی کا احتجاج
انہوں نے مزید کہا کہ نوجوانوں کو روزگار نہیں مل رہا ہے، خواتین پر ظلم ہو رہے ہیں اور کسان پریشان ہیں۔
