نئی دہلی: کانگریس 26 اکتوبر کو اپنے نو منتخب صدر ملکارجن کھرگے کے اعزاز میں ایک پروقار تقریب کا اہتمام کرے گی۔ یہ جانکاری دیتے ہوئے کانگریس جنرل سکریٹری کے سی وینوگوپال نے کہا کہ تقریب کے دوران کھرگے کو کانگریس صدر کے انتخاب میں جیت کا سرٹیفکیٹ دیا جائے گا۔ انہوں نے کہا کہ کانگریس ورکنگ کمیٹی کے اراکین، ریاستی کانگریس صدر، اسمبلی اور قانون ساز کونسلوں کے کانگریس قائدین، کانگریس کے تمام اراکین پارلیمنٹ، سابق وزرائے اعلیٰ اور کانگریس تنظیموں کے سربراہوں کو تقریب میں مدعو کیا گیا ہے۔Kharge's Oath Ceremony
انتخابی نتائج کا اعلان کرتے ہوئے پارٹی کے الیکشن ڈپارٹمنٹ کے انچارج مدھوسودن مستری نے بھی ایک سوال پر اشارہ دیا تھا کہ کھرگے کے صدر بننے پر تقریب کا انعقاد کیا جائے گا، جس طرح سابق صدر راہل گاندھی کے اعزاز میں ایک تقریب کا انعقاد کیا گیا تھا۔ واضح رہے کہ کانگریس کے سینئر رہنما ملکارجن کھرگے پارٹی کے نئے صدر منتخب ہوگئے ہیں۔ اس عہدے کے لیے سینئر رہنما ملکارجن کھرگے اور ششی تھرور کے درمیان مقابلہ تھا۔New President of Congress Party
یہ بھی پڑھیں: New President of Congress Party ملکا ارجن کھرگے کانگریس کے نئے صدر منتخب
یو این آئی
