پٹھان کوٹ میں کشمیری ٹرک ڈرائیور اور کنڈکٹر کو مبینہ طور پر پیٹا گیا۔ ڈرائیور کا الزام ہے کہ نامعلوم افراد نے ان سے رقم کا مطالبہ کیا جسے انہوں نے ادا کرنے سے انکار کر دیا، جس کے بعد ان کے ساتھ مار پیٹ کی گئی۔
ٹرک ڈرائیور کا تعلق بجبہاڑہ سے ہے اور اس کی شناخت محمد عابد بٹ کے بطور ہوئی ہے۔
ذرائع کے مطابق گذشتہ شام متاثرین کے ٹرک کا پنچر ہوا تھا اور وہ اس کا ٹائر تبدیل کر رہے تھے۔ اسی دوران کچھ نامعلوم افراد ان کے پاس آئے اور ان سے رقم کا مطالبہ کرنے لگے۔
ٹرک ڈرائیور نے الزام لگایا کہ انہوں نے انہیں پیسے دینے سے انکار کر دیا جس کے بعد ان کے ساتھ مار پیٹ شروع کر دی اور ٹرک کے شیشوں کو بھی چکنا چور کر دیا۔
یہ بھی پڑھیں: عشمقام میں تحصیل لائبریری خستہ حالی کا شکار
دریں اثنا، انہوں نے متعلقہ حکام پر زور دیا کہ وہ اس معاملہ کا سنجیدہ نوٹس لیں اور ملوث افراد کے خلاف سخت کارروائی کریں۔
قابل فہم ہے کہ کچھ روز قبل بڈگام کے ایک ڈرائیور اور کنڈکٹر کو بھی کچھ نامعلوم افراد نے ہماچل پردیش میں مبینہ طور پر ان کی گاڑی پر "اسلام زندہ باد" لکھنے کی وجہ سے پیٹا تھا۔
