سرینگر: وادی کشمیر کے گورنمنٹ میڈیکل کالج کے ڈاکٹر محمد سلیم خان کو پبلک ہیلتھ شعبے میں نمایاں کارکردگی کا مظاہرہ کرنے پر انڈین پبلک ہیلتھ ایسوسی ایشن کا فیلو نامزد کیا گیا ہے۔ مہاراشٹر کے شہر پونے میں ریاستی وزیر برائے پبلک ہیلتھ اور فیملی ہیلتھ نے ایک تقریب کے دوران ڈاکٹر سلیم خان کو یہ اعزاز دیا۔Kashmiri Doctor Nominated as Fellow of IPHA
ڈاکٹر سلیم خان سرینگر کے جی ایم سی میں شعبہ کمیونٹی میڈیسن کے سربراہ ہیں اور وہ دوسرے کشمیری ڈاکٹر ہیں، جنہیںانڈین پبلک ہیلتھ ایسوسی ایشن کا فیلو نامزد کیا گیا ہے۔ ڈاکٹر سلیم خان انڈین میڈیکل ایسوسی ایشن کے فیلو بھی ہیں جبکہ وہ مختلف قومی اور بین الاقوامی طبی کمیٹیز کے ممبر بھی ہیں۔
واضح رہے کہ کورونا بحران کے دوران ڈاکٹر سلیم خان نے نمایا کام کرتے ہوئے جموں و کشمیر انتظامیہ کو اس مہلک وائرس سے بچنے کے لیے متعدد مرتبہ اپنی تجاویز اور مشورے دیئے تھے، وہ انتظامیہ کی کووڈ کنٹرول کمیٹی کے رکن بھی تھے۔
یہ بھی پڑھیں: کشمیری ڈاکٹر امریکہ میں 'ہیرو آف کیمسٹری' ایوارڈ سے سرفراز
