بنگلور: حکومت کرناٹک کی جانب سے اول بتاریخ 3 مئی کو عید الفطر کی چھٹی کا اعلان کیا گیا تھا، لیکن دوبارہ سرکولر جاری کیا گیا جس میں ہلال کمیٹی کے ساتھ ہوئے ایک مشورے کا حوالہ دیتے ہوئے عید الفطر کی چھٹی کو 2 تاریخ بتایا گیا جس سے مسلمانوں میں مغالطہ پیدا ہو گیا ہے۔ Karnataka Hilaal Committee
ہلال کمیٹی کے رویت ہلال کے بعد ہی عید الفطر منائی جائیگی، مولانا مقصود عمران
اس سلسلے میں کرناٹک ہلال کمیٹی کے نائب صدر مولانا مقصود عمران رشادی نے بتایا کہ انہوں نے مذکورہ حکومت کے سرکولر کے متعلق محکمۂ اقلیتی بہبود کے سیکرٹری منیونن سے بات کی۔ مولانا مقصود عمران نے بتایا کہ محکمۂ اقلیتی بہبود سے کوئی غلطی ہوگئی تھی جس کے نتیجے میں ایک غلط سرکولر جاری کیا گیا تھا، تاہم انہوں نے کہا کہ مذکورہ سرکولر کو منسوخ کیا گیا ہے۔
