جموں کے ضلع راجوری میں یہ واقعہ اس وقت پیش آیا جب ایک صحافی اپنی ڈیوٹی انجام دے رہا تھا کہ بلاک میڈیکل آفیسرنوشہرہ نے اسپتال کی ناقص کارکردگی دکھانے پر ایک صحافی سے لڑائی جھگڑا شروع کر دیا۔
صحافی کےمطابق کورونا کے ایک مریض کو دوائی دینے سے انکار کرنے پر صحافی نے بلاک میڈیکل آفیسرسے رابطہ کرنے کی کوشش کی اور معاملہ کی چھان بین کرنی چاہی تو اچانک بلاک میڈیکل آفیسر کا غصہ صحافی پر پھوٹ پڑا اور بلاک میڈیکل آفیسر نے صحافی سے جھگڑا شروع کردیا۔
تاہم موقع پر موجود لوگ اور دیگر ملازمین نے موقع پر جھگڑے کو ختم کیا۔ بعد ازاں مذکورہ صحافی نے تھانہ پولیس نوشہرہ میں تحریری رپورٹ درج کروائی ہے۔
اس معاملے میں تاحال کوئی کارروائی نہیں ہوئی ہے۔ اس سلسلےمیں چیف میڈیکل آفیسر راجوری نے بتایا کہ معاملہ کی چھان بین کے بعد کارروائی عمل میں لائی جائے گی۔
