جموں و کشمیر ہائی کورٹ کے رجسٹرار کی جانب سے جاری کیے گئے بیان کے مطابق جسٹس شانتنا گودر کے تئیں احترام اور روایت کے طور پر آج عدالت میں ہونے والے تمام کاموں کو معطل رکھا جا رہا ہے۔
ہائی کورٹ کے رجسٹرار کا مزید کہنا تھا کہ "جسٹس شانتنا گودر کا انتقال گزشتہ روز گرگاؤں کے ایک نجی ہسپتال میں ہوا۔ آج اُن کے جسدِ خاکی کو آخری رسومات کے لیے اُن کے آبائی گھر لایا جا رہا ہے۔
واضح رہے کہ 62 سال کے جسٹس شانتنا گودر کرناٹک کے رہنے والے تھے اور سن 2017 کے فروری مہینے کی 17 تاریخ کو عدالت عظمیٰ کے جج بنائے گئے تھے۔
