تملناڈو کے ضلع مدورائی کے النگ نگلور میں ہفتے کے روز پونگل فیسٹیول میں منعقد عالمی شہرت یافتہ روایتی پروگرام’ جلی کٹو‘ میں52 افراد زخمی ہوگئے۔
وزیر اعلی ای کے پلانی سوامی اور نائب وزیر اعلی او پنیرسیلوم کی پرچم کشائی کے بعد اب تک’جلی کٹو کے آٹھ چکر مکمل ہوچکے ہیں۔ جس میں کل 719 رجسٹرڈ سانڈ اور 600 سانڈ پالنے والوں نے شرکت کی۔
سرکاری ذرائع نے بتایا کہ اس پروگرام کو وزیر اعلی ای کے پلانی سوامی اور نائب وزیر اعلی او پنیرسیلوم کی پرچم کشائی کے بعد اب تک’جلی کٹو کے آٹھ چکر مکمل ہوچکے ہیں۔ جس میں کل 719 رجسٹرڈ سانڈ اور 600 سانڈ پالنے والوں نے شرکت کی۔
ورٹی پاتھو گاؤں کے سی کنن کو 12 جنگلی سانڈوں پر قابو پانے کے لئے بہترین ’سانڈ پالک‘ کا ایوارڈ دیا گیا ، جبکہ ایم کے سنتوش کی ملکیت والے سانڈ کو ایونٹ میں بہترین سانڈکے طور پر منتخب کیا گیا۔ پروگرام میں بہترین کارکردگی کا مظاہرہ کرنے والے سانڈ پالک اور سانڈ مالکان کو موٹرسائیکلیں ، سونے کے سکے ، گھریلو سامان ، تحائف سمیت بہت سے پرکشش انعامات دیئے گئے۔
جَلّی کٹُّو تملناڈو میں بیلوں کی لڑائی کا ایک خطرناک کھیل ہے۔ یہ کھیل ہسپانیہ کی کے قومی کھیل بیلوں کی لڑائی سے مشابہ ہے۔ یہ کھیل ریاست بھر میں، بالخصوص دیہی علاقوں میں بے حد مقبول ہے۔تاہم اس کھیل کے انعقاد کی وجہ سے ریاست میں کئی لوگ اپنی جان گنوا چکے ہیں۔
