امریکی وزیر خارجہ اینٹونی بلنکن نے بھارت کے دو روزہ دورہ پر بدھ کے روز بھارت کے وزیر خارجہ ایس جے شنکر سے ملاقات کی۔ مذاکرات کے بعد دونوں ممالک کے رہنماؤں نے میڈیا سے خطاب کیا۔
امریکی وزیر خارجہ انٹونی بلنکن نے میڈیا سے خطاب کے دوران کہا کہ ''میں ان کاموں کی دل کی گہرائیوں سے تعریف کرتا ہوں جو ہم نے ایک ساتھ کئے ہیں اور آنے والے مہینوں میں ہم جو کام ایک ساتھ کرنے جا رہے ہیں۔"
اس موقع پر بھارتی وزیر خارجہ ایس جے شنکر نے کہا کہ 'بحر الکاہل میں امن و خوشحالی اتنی ہی ضروری ہے جتنا افغانستان میں جمہوری استحکام اہم ہے۔ باہمی تعاون کے پلیٹ فارم کی حیثیت سے کواڈ کو مضبوط کرنا ہمارے باہمی مفاد میں ہے اور ہمیں دہشت گردی جیسے اہم عصر حاضر کے چیلنجز پر بھی زیادہ قریب سے مل کر کام کرنا چاہئے۔'
واضح رہے کہ امریکی وزیر خارجہ اینٹونی بلنکن دوطرفہ تعلقات، افغانستان، پاکستان کی سرپرستی میں ہونے والی دہشت گردی سمیت دیگر امور پر بھارتی حکام کے ساتھ تبادلہ خیال کے لئے منگل کے روز نئی دہلی پہنچے ہیں۔
یہ بھی پڑھیں: Blinken's India visit: امریکی وزیر خارجہ بھارت دورے پر، مختلف امورپر بات چیت متوقع
عہدہ سنبھالنے کے بعد یہ بلنکن کا بھارت کا پہلا دورہ ہے۔
