بی جے پی کارکنوں نے پالاکاڈ میونسپل کارپوریشن کے سامنے 'جے شری رام' کے نعرے کے ساتھ مبینہ طور پر ایک طویل بینر کارپوریشن کی عمارت پر لہرایا۔
کیرالہ پولیس نے بلدیاتی انتخابات میں بی جے پی کی کامیابی کے بعد پالاکاڈ میونسپل کارپوریشن کی عمارت کی چھت پر'جئے شری رام' کا بینر لگانے کے الزام میں بی جے پی کے چند کارکنوں کے خلاف جمعرات کے روز کیس درج کیا۔ پولیس نے بی جے پی کے اس اقدام کو فرقہ وارانہ ہم آہنگی میں خلل ڈالنے کی کوشش قرار دیا۔ سوشل میڈیا پر بھی بی جے پی کے اس اقدام کی مذمت کی جارہی ہے۔
بدھ کی شام میونسپل کارپوریشن کے سامنے فتح کی تقریبات کے دوران، بی جے پی کے کچھ کارکنوں کو ایک پُرجوش ویڈیو میں دیکھا گیا تھا جس میں ایک بہت بڑا بینر لگایا گیا جس پر 'جئے شری رام' لکھا ہوا تھا اور عمارت کے اوپر چھترپتی شیواجی مہاراج کی تصویر بھی لگائی گئی تھی۔
پولیس نے بتایا کہ کارکنوں نے وزیر اعظم نریندر مودی اور وزیر داخلہ امت شاہ کی تصاویر کے ساتھ ایک اور بینر بھی لگایا۔
ضلعی پولیس چیف سوجیتا داس ایس نے اس سلسلے میں خصوصی برانچ کے ڈپٹی سپرنٹنڈنٹ سے واقعے کے سلسلے میں رپورٹ درج کرنے کو کہا ہے۔
بی جے پی نے پالاکاڈ بلدیہ کے 52 میں سے 28 وارڈز میں کامیابی حاصل کی اور بڑی پاٹی بن کر ابھری ہے۔
یہ بھی پڑھیں:تلنگانہ حکومت نے ہدایات کی خلاف ورزی کی: ہائیکورٹ
