شیر کشمیر انسٹی ٹیوٹ آف میڈیکل سائنسز سری نگر میں تعینات ماہر امراض قلب ڈاکٹر عمران حفیظ نے کہا کہ کہ دل کی بیماری میں مبتلا مریضوں کو کووڈ انفیکشن کا خطرہ زیادہ لاحق ہوتا ہے۔
انہوں نے مزید کہا کہ ایسے مریضوں کو احتیاطی تدابیر اختیار کرنے کی ضرورت ہے اور کووڈ رہنما اصولوں پرسختی سے عمل کرنا چاہیئے۔
انہوں نے کہا کہ دل کے مریضوں کے لئے ویکسینیشن بہت ضروری ہے کیوں کہ ویکسین کووڈ انفیکشن کے ڈھال کا کام کرتی ہے۔
ویکسینیشن پر مزید زور دیتے ہوئے ڈاکٹر عمران حفیظ نے سب سے اپیل کی کہ وہ کووڈ حفاظتی ٹیکے لگانے کے لئے آگے آئیں۔
انہوں نے دل کی مریضوں کو انفیکشن ہونے کی صورت میں ڈاکٹر سے مشورہ اور مناسب علاج شروع کرنے کی صلاح دی ہے۔
ماہر امراض قلب نے کہا ہے کہ بہت سے لوگ اس کورونا وائرس کی وجہ سے ہائی بلڈ پریشر کے مریضوں کے لئے خطرہ کے بارے میں پوچھتے ہیں۔
یہ بھی پڑھیں: 'جموں و کشمیر انتظامیہ کولگام کے نوجوان کی موت کے ذمہ دار'
انہوں نے کہا کہ ہائی بلڈ پریشر کے ہر مریض کو خطرہ نہیں ہوتا ہے لہٰذا لوگوں کو پریشان نہیں ہونا چاہیے۔
انہوں نے مزید کہا کہ صرف وہی ہائی بلڈ پریشر مریضوں کو خطرہ لاحق ہوتا ہے جو رینل فیلیئر، دل کی بیماری اور اس سے وابستہ ذیابیطس جیسے ٹارگٹ آرگن نقصان (ٹی او ڈی) سے دوچار ہیں۔
