قومی دارالحکومت دہلی میں صدر مسٹر رام ناتھ کووند نے ترویلوور یونیورسٹی کے 16 ویں سالانہ کنوکیشن سے خطاب کرتے ہوئے کہا کہ یہ بات انتہائی اطمینان بخش ہے کہ بھارت کا اعلیٰ تعلیمی نظام دیہی اور پسماندہ طبقات کے لوگوں تک پھیل چکا ہے۔
انہوں نے کہا کہ اس لحاظ سے یہ دنیا کا تیسرا سب سے بڑا نظام تعلیم بن گیا ہے۔
صدر جمہوریہ نے کہا کہ 'بھارت میں برطانوی حکومت سے قبل تعلیم کا ایک بہت مضبوط نظام موجود تھا۔ با بائے قوم مہاتما گاندھی نے اسے ایک خوبصورت پودے کے طور پر بیان کیا جسے برطانوی حکومت کے دوران کاٹ دیا گیا تھا'۔
انہوں نے کہا کہ 'ہمیں ابھی تک ان تبدیلیوں سے پوری طرح باہر نکلنا باقی ہے تاہم نیشنل ایجوکیشن پالیسی 2020 اس سمت میں ایک منصوبہ بند اور فیصلہ کن اقدام ہے'۔
مسٹر کووند نے طلبا سے خطاب کرتے ہوئے کہا کہ 'عالمی سطح پر بھارت کا نام روشن کرنا ہم سب کی ذمہ داری ہے ہمارے پاس ایسا کرنے کا موقع بھی ہے۔'۔
انہوں نے کہا کہ ہمارا ملک دنیا کو یہ سبق پڑھانے کی مناسب پوزیشن میں ہے کہ ایک دوسرے کے ساتھ مل کر کیسے زندگی بسرکرتے ہيں، اور فطرت کی پرورش کا طریقہ کیا ہے۔
یو این آئی
