اسرائیل کے نو منتخب وزیر خارجہ یار لیپڈ اگلے ہفتہ خلیجی ملک متحدہ عرب امارات کا دورہ کریں گے تا کہ دونوں ممالک کے درمیان تعلقات کو معمول کے مطابق بنایا جاسکے۔
اسرائیل کی وزارت خارجہ نے بتایا کہ یار لیپڈ 29 اور 30 جون کو متحدہ عرب امارات کا دورہ کریں گے اور ابو دہبی میں سفارتخانہ اور دبئی میں قونصل خانہ کا افتتاح کریں گے۔
واضح رہے کہ سابق امریکی صدر ڈونالڈ ٹرمپ کی قیادت میں ''معاہدہ ابراہیم'' کے تحت چار خلیجی ممالک بحرین ، مراقش ، سوڈان اور یو اے ای نے اسرائیل سے تعلقات کو معمول پر لالیا تھا۔
یہ بھی پڑہیں : سعودی عرب کے ساتھ تعلقات کی بحالی ممکن: ایرانی صدر
اس معاہدہ کی مذمت کرتے ہوئے فلسطین نے کہا تھا کہ ان چار ممالک نے فلسطین سے غداری کی ہے اور فلسطینی ریاست کے قیام کو کمزور کردیا ہے۔
متحدہ عرب امارات خلیجی خطہ کا پہلا ملک ہے جس نے اسرائیل کے ساتھ تعلقات استوار کیے ہیں وہیں سعودی عرب نے بھی اسرائیل کے ساتھ نرمی برتی ہے لیکن تعلقات استوار کرنے سے انکار کردیا ہے۔
