فلسطینی ٹھکانوں پر اسرائیلی فوج کے حملے

اسرائیلی سرحد پر سینکڑوں فلسطینیوں کے احتجاج کے بعد علاقے میں کشیدگی بڑھتی جا رہی ہے۔ اسرائیلی فوج کے ساتھ جھڑپوں میں اب تک ایک فلسطینی کی موت جب کہ متعدد فلسطینی زخمی ہو چکے ہیں۔

اسرائیلی فوج نے سرحد پر سینکڑوں فلسطینیوں کے احتجاج کے بعد غزہ پٹی میں فلسطینی ٹھکانوں پر حملے شروع کر دیئے ہیں۔یہ اطلاع اسرائیل ڈیفنس فورس نے دی ہے۔

دریں اثنا فلسطینی وزارت صحت نے اطلاع دی ہے کہ غزہ کی پٹی کی سرحد پر 21 اگست کو ہونے والی جھڑپوں کے دوران 40 سے زائد فلسطینی زخمی ہوئے تھے ۔ جب فلسطینیوں نے یروشلم کی مسجد الاقصی پر حملے کی 52 ویں سالگرہ منا نے اوراسرائیل کے ذریعہ فلسطینی علاقوں پر قبضہ کے خلاف احتجاج کرنے کیلئے ایک ریلی نکالی تھی۔

وزارت کے مطابق ایک فلسطینی نوجوان جو اسرائیلی فوجیوں کے ساتھ جھڑپوں کے دوران شدید زخمی ہوا تھا ، جمعرات کو دم توڑ گیا۔

یو این آئی