ملک کے اندر عالمی وبا کورونا وائرس نے اب تک لاکھوں انسانوں کو اپنا لقمہ بنا لیا ہے۔ محکمہ صحت کی ابتر کارکردگی اور آکسیجن کی کمی سے دارالحکومت دہلی سمیت ملک کے دیگر صوبائی دارالحکومت میں بڑی تعداد میں انسانی جان تلف ہورہے ہیں۔ ایک رپورٹ کے مطابق اب تک قریب دو لاکھوں لوگ بروقت آکسیجن اور ضروری ادویات نہ ملنے سے دم توڑ چکے ہیں۔ ہسپتالوں میں بستروں کے علاوہ آکسیجن کی بھی کمی دیکھنے میں آ رہی ہے۔
ہندوستان میں کورونا وائرس کے غیر معمولی اضافے پر تشویش کا اظہار کرتے عرب امارات، سعودی عرب، سنگاپور، یورپی یونین، برطانیہ، چین اور فرانس سمیت متعدد ملکوں کی جانب سے مدد کی پیشکش کی گئی ہے۔
سعودی عرب کے محکمہ صحت نے 80 ٹن مائع آکسیجن گیس انڈیا بھیجا ہے۔
سعودی عرب کے دارالحکومت ریاض میں قائم انڈین سفارت خانے کی جانب سے اڈانی گروپ اور میسرز لائنڈ کے تعاون سے 80 ٹن مائع آکسیجن گیس انڈیا بھیجے جانے پر اطمینان کا اظہار کیا گیا ہے۔
ریاض میں قائم انڈین سفارت خانہ نے اپنے ایک ٹوئٹ میں سعودی عرب کی وزارت صحت کی جانب سے اس موقع پر انڈیا کی ہر طرح کی مدد، حمایت اور تعاون پر دلی طور پرشکریہ ادا کیا ہے۔
آکسیجن گیس کے سیلنڈرز سنگا پور سے بھی بذریعہ ہوائی جہاز منگوائے جا رہے ہیں۔
امریکہ نے ہندوستان کی مدد کرتے ہوئے اتوار کے روز کہا کہ وہ 'فوری طور پر' کوویشیلڈ کی ویکسین بنانے، حفاظتی پوشاکوں، پی پی ای کٹس، ٹیسٹنگ کٹس کی فراہمی کے لئے بھارت کو درکار خام مال مہیا کرے گا ،جو کووڈ 19 کے مریضوں کے علاج میں مدد اور فرنٹ لائن کارکنوں کی حفاظت کرے گا کیونکہ اس ملک میں بڑے پیمانے پر کورونا کیسز میں اضافہ ہو رہا ہے۔
آج امریکہ ایئر انڈیا کا102A نیویارک کے جان ایف کینیڈی بین الاقوامی ہوائی اڈے سے پانچ ٹن (5000 کلوگرام) آکسیجن کونسنٹریٹرز کو سامان کے طور پر لے جا رہا ہے اور پیر کی دوپہر تک دہلی میں اترنے والا ہے۔
امریکہ میں مقیم بھارتی حکومت کے ایک اہلکار کے مطابق اتوار کی صبح تین سو سے زیادہ آکسیجن کونسنٹریٹرز نیویارک سے بھارت روانہ کردیئے گئے ہیں۔
ہندوستان میں کورونا سے بدتر ہوچکی حالت پر پاکستان کی فلاحی تنظیم ایدھی فاؤنڈیشن کی جانب سے بھارت کو امداد کی پیشکش کی گئی ہے۔
ایدھی کے سربراہ فیصل ایدھی نے وزیراعظم نریندرمودی کو خط لکھا ہے جس میں انہوں نے کہا ہے کہ بھارت میں کورونا کے بڑھتے کیسز اور اموات پر دکھ ہے، ہم کورونا وائرس کے ان حالات میں آپ کی مدد کیلئے تیار ہیں اور انسانیت کے ناطے بھارتی عوام کی مدد کرنا چاہتے ہیں۔
ایدھی فاؤنڈیشن نے مریضوں کی نقل و حرکت کے لئے 50 ایمبولینس فراہم کرنے کی بھی پیش کش کی۔
ہفتے کے روز پاکستان کے وزیر اعظم عمران خان نے کووڈ 19 کی "خطرناک" دوسری لہر کے درمیان بھارت کے عوام سے اظہار یکجہتی کیا۔
بھارت کے عوام سے یکجہتی کے طور پر پاکستان کے وزیر خارجہ شاہ محمود قریشی نے سرکاری طور پر بھارت کو امداد کی پیش کش کی ہے ۔ جن میں وینٹیلیٹر ،بی پی اے پی ،ڈیجیٹل ایکس رے مشینیں ،پی پی ای اور دیگر متعلقہ اشیاء شامل ہیں۔ قریشی نے ایک ٹویٹ میں لکھا۔"ہم انسانیت اول کی پالیسی پر یقین رکھتے ہیں ،"
ہندوستان میں کورونا کا قہر بدستور جاری ہے اور گذشتہ 24 گھنٹوں کے دوران 3.49 لاکھ نئے کیسیز سامنے آئے ہیں۔ جبکہ مزید 2767 مریضوں کی موت کے ساتھ ہلاکتوں کی تعداد 192311 ہوگئی ہے۔
