انڈین ریلوے اب ایسی دو منزلہ ٹرینیں بنانے جا رہا ہے جس میں نچلی منزل میں سامان لے جایا جا سکے گا اور مسافر اوپری منزل میں سفر کر سکیں گے۔ Railways Plans Double Decker Trains
ذرائع نے یہاں بتایا کہ پارلیمنٹ میں پیش کئے گئے مرکزی بجٹ 2022-23 میں ریلوے کے بجٹ میں اس ڈیزائن کی ٹرینوں کی ایک جوڑی کے لیے 40 ڈبوں کی تیاری کے لیے 160 کروڑ روپے کی منظوری دی گئی ہے۔ ریلوے کا منصوبہ ہے کہ پہلے مرحلے میں بیس بوگیوں کی دو ٹرینیں بنائی جائیں گی۔ ذرائع نے بتایا کہ ڈبل ڈیکر چیئر کار والی کوچ میں نچلی منزل سے سیٹیں ہٹا کر وہاں اسٹوریج کی جگہ بنائی گئی ہے اور دونوں طرف کے دروازوں کے ارد گرد اور بالائی منزل میں کرسیاں لگا دی گئی ہیں۔ اس طرح کے نئے ریک ایئر کنڈیشنڈ اور نان ایئر کنڈیشنڈ دونوں قسم کے ہو سکتے ہیں۔ ان کا میل ٹرینوں میں استعمال ہونے کا امکان ہے۔
اطلاعات کے مطابق ڈاک، پارسل، کورئیر کا سامان، دو پہیہ گاڑیاں، منتقلی پر گھریلو سامان، پھل، سبزیاں، دودھ اور دیگر دودھ کی مصنوعات، پولٹری مصنوعات، مچھلی، غذائی اجناس وغیرہ اس قسم کی گاڑیوں میں لے جایا جا سکتا ہے۔
مزید پڑھیں:ریلوے ملازمین کو 78 دنوں کی تنخواہ کے برابر بونس
ذرائع نے بتایا کہ اگر دونوں ریک پائلٹ آپریشن میں کامیاب ہوئے تو ایسی مزید کوچیں بنائی جائیں گی۔ یہ کوچیں نئی ایل ایچ بی ٹیکنالوجی سے بنائی جائیں گی اور انہیں 130 کلومیٹر فی گھنٹہ کی رفتار سے چلایا جا سکے گا۔ یہ مسافر اور سامان والی ٹرینیں ایسے سامان لے جائیں گی جنہیں مسافر اسٹیشنوں پر مشترکہ پلیٹ فارم پر رکھا، لوڈ یا اتارا جا سکتا ہے۔
یواین آئی
