ڈاکٹرمحبوب صادل خان میو، افریقن آئکن ایوارڈ سے سرفراز

ریاست راجستھان کے بھرت پور کے کاماں میوات کے ڈاکٹر محبوب صادل خان کو افریقی آئیکون ایوارڈ سے سرفراز کیا گیا ہے۔ یہ ایوارڈ آئی سی آر ڈی کے صدر ڈاکٹر روٹیمی میتھیو نے مشہور شاہی بابا اوبا مفتاؤ اولیڈے گبادموسی (یوروبا کے بادشاہ) کی موجودگی میں دیا۔ اس موقع پر ڈاکٹر محبوب صادل خان نے بلینگل یونیورسٹی سے ڈاکٹریٹ کی ڈگری بھی حاصل کی۔ انہیں سینئر ریسرچ انٹرنیشنل فیلوشپ کیڈر کی میمبرشپ سے بھی نوازا گیا۔

ڈاکٹر خان واحد بھارتی ہیں جنہیں یہ اعزاز ملا ہے۔ ڈاکٹر محبوب صادل خان میوات کے ضلع بھرتپور کے ننگلہ کلوان کے رہائشی ہیں۔ انہیں افریقی آئیکون ایوارڈ کے لیے عالمی معیار کے معتبر سرکاری ایس آر ڈی انسٹی ٹیوٹ افریقہ براعظم کی طرف سے نامزد کیا گیا تھا۔ یہ ایوارڈ ڈاکٹر محبوب صادل خان کو افریقی آئکن برائے سماجی انٹرپرائزز ڈویلپمنٹ کے زمرے میں دیا گیا۔

جس میں مختلف طریقوں سے انسانیت کی ترقی اور تعاون بشمول تعلیم، صحت، سماجی اصلاحات، کاروبار اور صنعتوں کے قیام وغیرہ میں بہترین کام کرنے کو بنیاد سمجھا گیا۔ محبوب صادل خان میو کو سماجی میدان میں شاندار شراکت، اور بھارت کے مختلف علاقوں میں کام کرنے پر یہ ایوارڈ آئی سی آر ای ڈی کی طرف سے دیا گیا ہے۔ بھارت کے سفیر مسٹر ابھے ٹھاکر نے اپنے پیغام میں کہاکہ آج کے تاریخی لمحات نے ہم سب بھارتیوں کو قابل فخر بنا دیا ہے۔ اور مستقبل میں خواہش ہے کہ مسٹر محبوب مزید توانائی کے ساتھ ضرورت مندوں کے لیے کام کرتے رہیں۔ غور طلب ہے کہ یہ ایوارڈ آئی سی آر ای ڈی کی جانب سے دیا جاتاہے جو کہ افریقہ کے 52 ممالک کی سب سے بڑی کامرس ریسرچ آرگنائزیشن ہے جو کہ حکومت کی طرف سے تسلیم شدہ ہے۔ “ہینڈز فار ہیلپ“ملک اور بیرون ملک سے منتخب ہونے والے کل 6 اداروں میں سے ایک تھا۔ یہ ایک ایک بڑی کامیابی ہے۔ ڈاکٹر محبوب صادل خان نے بتایا کہ وہ اپنی تنظیم کے ذریعے بھارت میں صحت اور تعلیم کو مزید وسعت اور ترقی دیں گے۔ اور دوسرے ممالک میں مضبوطی کے ساتھ ایک ٹیم تشکیل دی جائے گی۔ افریقہ کی ملٹی ملین کمپنی گداور گلوبل انویسٹمنٹ لمیٹڈ کے چیئرمین الحاجی سلیمان ادامو نے کہاکہ وہ 100بستروں کے سپر اسپیشلٹی ہسپتال کے لیے ہینڈز فار ہیلپ کے ساتھ معاہدہ کرنے جا رہے ہیں جسے بھارتی ڈاکٹر چلائیں گے۔

ایوارڈ وصول کرتے ہوئے محبوب خان نے کہا کہ مجھے یہ ایوارڈ اچانک یا اتفاقی طور پر نہیں ملا، بلکہ اس کے پیچھے یہ میری انڈیا افریقہ ٹیم کی کئی سالوں کی محنت اور لگن کا نتیجہ ہے۔ میں دل سے مبارکباد دیتا ہوں اور افریقہ کے لوگوں کو میرے اس کام کی تعریف کرنے پر خوش آمدید کہتا ہوں۔'
اس کامیابی کے پیچھے اہل خانہ ، چھوٹے بھائی ساحل خان ، ارشد حسین اڈبر جیسے کئی دوست اور نائیجیرین پارٹنر الحاجی سلیمان ادامو ، چیئرمین گڈور گلوبل انویسٹرز نائیجیریا، ڈاکٹر حمزہ نے بہت تعاون کیا ہے۔'