ملک کے لیے اپنی جان کی قربانی دینے والے میجر جنرل سومناتھ شرما کو بین الاقوامی ہوائی اڈہ سرینگر میں گلہائے عقیدت پیش کیا گیا۔
اس موقع پر جموں کشمیر رائفلز ریجمنٹل ٹریننگ کے بریگیڈیئر سمیش سیٹھ نے میجر جنرل سومناتھ شرما کو گلہائے عقیدت پیش کیا۔ اس کے علاوہ فوج کے اعلیٰ افسران کے ساتھ ساتھ ڈائریکٹر ایئرپورٹ سرینگر بھی موجود رہے۔
واضح رہے کہ سنہ 1947 میں جب پاکستانی قبائلیوں نے جموں و کشمیر پر قبضہ کرنے کی کوشش کی تو جموں و کشمیر کے راجہ ہری سنگھ نے بھارت کے ساتھ الحاق کیا۔
جس کے بعد بھارت نے جموں و کشمیر میں اپنی فوج اتاری میجر سومناتھ شرما نے 3 نومبر 1947 میں بڈگام میں قبائلیوں کو روکنے کے لیے ایئر بیس قائم کیا۔ میجر شرما نے کافی کم ساتھیوں کے ساتھ پاکستانی قبائلیوں کو روکا اور ان کی سازشوں کو کامیاب نہیں ہونے دیا۔ اس دوران میجر سومناتھ شرما سمیت جے سی او اور بیس دیگر فوجی جوانوں نے ملک کے لئے اپنی جانوں کا نذرانہ پیش کیا۔
مزید پڑھیں: موہن لال اور محمد اکرم چودھری جموں و کشمیر اور لداخ ہائی کورٹ کے جج مقرر
ملک کی خواطر اپنی جان قربان کرنے والے میجر سومناتھ شرما ایسے پہلے بہادر تھے جنہیں پرم ویر چکرا اعزاز سے نوازا گیا۔ آج میجر سومناتھ شرما اور ان کے ساتھیوں کو گلہائے عقیدت کا نظرانہ پیش کیا گیا۔ اس موقع پر ملک کے نام اپنی جان قربان کرنے والے دیگر جوانوں کے رشتہ دار موجود رہے۔
