افغانستان کی خراب صورتحال کے پیش نظر بھارتی فضائیہ کا طیارہ بھارتی سفارت خانے کے 120 ملازمین کو لے کر وہاں سے روانہ ہو گیا ہے۔ بھارتی فضائیہ کا سی 17 طیارہ صبح 7.30 بجے کابل سے روانہ ہوا۔
واضح رہے کہ وزارت خارجہ کے ترجمان ارندم باگچی نے منگل کو ٹوئٹ کرکے کہا ’’ افغانستان میں موجودہ حالات کے پیش نظر یہ فیصلہ لیا گیا ہے کہ کابل واقع بھارتی سفارتخانے کے سبھی ملازمی اور ہمارے سفیر فوری طور پر ہندوستان واپس آئیں گے‘‘۔
ہندوستان نے یہ فیصلہ گذشتہ اتوار کو اشرف غنی کے اقتدار چھوڑنے کے بعد وہاں کی بگڑتی ہوئی سیکورٹی کی صورتحال کے پیش نظر کیا ہے۔
کابل ایئرپورٹ کو امریکی ایجنسیوں نے اپنے قبضے میں لے رکھا ہے تاکہ دوسرے ممالک کے لوگوں کو حفاظت کے ساتھ روانہ کیا جاسکے۔ اسی لیے آج صبح دوبارہ کابل ایئرپورٹ کو کھول دیا ہے۔
یہ بھی پڑھیں:
- طالبان کی سکھوں اور ہندوؤں کو سکیورٹی کی یقین دہانی، ملک نہ چھوڑنے کی اپیل
- طالبان کے ساتھ دوستانہ تعلقات استوار کرنا چاہتے ہیں: چین
- Taliban Leader: طالبان کا اہم رہنما کون؟
- طالبان گر بنیادی حقوق کا احترام کریے تو امریکہ انہیں تسلیم کرلے گا: انٹونی بلنکن
قابل ذکر ہے کہ طالبان نے افغانستان پر مکمل قبضہ کر لیا ہے۔ پیر کے روز کابل ایئرپورٹ پر صورتحال خراب ہوگئی تھی جس کی وجہ سے وہاں طیاروں کی نقل و حرکت روک دی گئی تھی اور وہاں پر پانچ افراد کے جاں بحق ہونے کی بھی اطلاع موصول ہوئی تھیں۔
افغانستان میں دو دہائیوں کی طویل جنگ کے بعد ایک معاہدے کے تحت امریکی فوجیوں کے مکمل انخلا سے دو ہفتے قبل ہی طالبان نے پورے افغانستان پر قبضہ کر لیا۔
