نئی دہلی: صاف توانائی، موسمیاتی تبدیلی اور غربت کے خاتمے سے متعلق حکومت کی پالیسیوں کی وجہ سے بھارت دنیا میں جنگلات کے رقبے میں سالانہ اضافے میں تیسرے نمبر پر آگیا ہے۔ منگل کو پارلیمنٹ میں 'اکنامک ریویو 2022-23' پیش کرتے ہوئے وزیر خزانہ نرملا سیتا رمن نے کہا کہ بھارت دنیا کے سب سے زیادہ مہتواکانکشی صاف توانائی کی تقسیم اور ترسیل کے پروگراموں میں نمایاں طور پر حصہ لے رہا ہے اور موسمیاتی تبدیلی سے نمٹنے کے لیے اپنے فرائض کو پورا کر رہا ہے۔ انہوں نے کہا کہ بھارت کی آب و ہوا کا نقطہ نظر ترقی سے گہرا تعلق رکھتا ہے۔ بھارت نے غربت کے خاتمے کے اقدامات اور اپنے تمام شہریوں کی بنیادی بہبود کو یقینی بنانے کے اہداف مقرر کیے ہیں۔
انہوں نے بتایا کہ 2010 سے 2020 کی مدت کے دوران اوسط سالانہ جنگلات میں اضافے کے لحاظ سے بھارت کا جنگلات کا احاطہ عالمی سطح پر تیسرا سب سے بڑا ہے۔ جائزے کے مطابق اس ترقی کا سہرا بنیادی طور پر قومی اور ریاستی حکومتوں کی پالیسیوں اور مضبوط انفراسٹرکچر کو جاتا ہے۔ ان سے جنگلات کے رقبے کو فروغ ملا اور ان کے تحفظ کو یقینی بنایا گیا ہے۔ اس کامیابی میں گرین انڈیا مشن اور کمپنسٹری فاریسٹیشن فنڈ مینجمنٹ اور پلاننگ اتھارٹی جیسی اسکیمیں خاص اہمیت رکھتی ہیں۔ اروناچل پردیش میں بھارتی ریاستوں میں جنگلات میں سب سے زیادہ کاربن کا ذخیرہ موجود ہے، جب کہ جموں و کشمیر میں سب سے زیادہ فی ہیکٹر کاربن کا ذخیرہ 173.41 ٹن ہے۔
سیتا رمن نے کہا کہ بھارت کے پاس 75 رامسر سائٹس ہیں جو ماحولیاتی نظام کے تحفظ کی مرکزی کوششوں کے اہم حصے ہیں۔ سال 2021 کے دوران ملک میں مینگروو کے رقبے میں 364 مربع کلومیٹر کا اضافہ ہوا ہے۔ بھارت بہت کم وقت میں قابل تجدید توانائی کے شعبے میں سرمایہ کاری کے لیے پسندیدہ مقام بن گیا ہے۔ 2014 سے 2021 کی مدت کے دوران بھارت میں قابل تجدید توانائی کے لیے 78.1 ارب ڈالر کی سرمایہ کاری موصول ہوئی تھی۔اقتصادی سروے کے مطابق 2029-30 کے آخر تک ممکنہ نصب شدہ صلاحیت 800 گیگا واٹ سے تجاوز کر جانے کی امید ہے، جس میں سے 500 گیگا واٹ غیر فوسل فیول ایندھن کا استعمال ہوگا۔ یہ اندازہ لگایا گیا ہے کہ 2014-15 کے مقابلے میں 2029-30 تک اوسط اخراج کی شرح تقریباً 29 فیصد کم ہو جائے گی۔
بھارت کو ایک توانائی سے آزاد ملک بنانے اور اہم شعبوں کو ڈی کاربنائز کرنے کے مقصد کے ساتھ حکومت نے 19,744 کروڑ روپے کے ابتدائی اخراجات کے ساتھ نیشنل گرین ہائیڈروجن مشن کو منظوری دی ہے۔ اس کے نتیجے میں 2050 تک مجموعی طور پر 3.6 Gt CO2 کے اخراج میں کمی آئے گی۔جائزے میں کہا گیا ہے کہ ریزرو بینک آف انڈیا نے مالی سال 2022-23 کے لیے خودمختار گرین بانڈ جاری کرنے کے مقصد سے ایک اشاریہ کیلنڈر جاری کیا ہے۔ ان بانڈ کی کل مالیت 16,000 کروڑ روپے ہے۔ جائزے کے مطابق بھارت نے 2018 میں ہی شیروں کی تعداد کو دوگنا کرنے کا ہدف حاصل کر لیا تھا جب کہ اس کے لیے چار سال بعد 2022 تک کی آخری تاریخ مقرر کی گئی تھی۔ ایشیائی شیروں کی تعداد میں بھی بہت تیزی سے اضافہ ہوا ہے، جہاں سال 2015 میں 523 شیر تھے وہیں 2020 میں ان کی تعداد بڑھ کر 674 ہوگئی ہے۔
یہ بھی پڑھیں: Economic Survey 2023 Highlights اقتصادی سروے کے اہم نکات
یو این آئی
