ایک دن میں کورونا کے 47،262 نئے کیسز اور 275 ہلاکتیں

ملک میں جان لیوا اور مہلک ترین عالمی وبا کورونا وائرس کے کیسز میں تیز اضافے کے درمیان گذشتہ 24 گھنٹوں کے دوران ایک بار پھر 47 ہزار سے زیادہ نئے کیسز رپورٹ ہوئے ہیں اور 275 افراد ہلاک ہوگئے ہیں۔

مرکزی وزارت صحت کی جانب سے جاری تازہ ترین اعداد و شمار کے مطابق ملک میں گذشتہ 24 گھنٹوں کے دوران کورونا وائرس کے 47،262 نئے کیسز درج کیے ہیں۔ جبکہ منگل کے روز یہ تعداد 40،715، پیر کے روز 46،951، اتوار کے روز 43،846، ہفتہ کے روز 40،953 اور جمعہ کے روز 39،726 تھی۔

اسی عرصے کے دوران کورونا وائرس سے مرنے والے مریضوں کی تعداد 275 درج کی گئی ہے۔ یہ تعداد منگل کے روز199، پیر کے روز 212، اتوار کے روز 197، ہفتہ کے 188، جمعہ کے روز 154، جمعرات کے روز 172، بدھ کے روز 131 درج کی گئی تھی۔

دریں اثنا ملک میں اب تک پانچ کروڑ آٹھ لاکھ 41 ہزار سے زیادہ لوگوں کو اینٹی کورونا ویکیسن دی جاچکی ہے۔

یواین آئی۔