اقوام متحدہ کی سلامتی کونسل کی بریفینگ میں شام کے موضوع پر بھارت نے کہا کہ ملک کسی بھی صورتحال میں کیمیائی ہتھیاروں کے استعمال کے خلاف ہے۔چاہے اس کا استعمال کسی کی بھی طرف سے کیا جائے، کسی بھی وقت کیا جائے یا کہیں سے بھی کیا جائے، بھارت مکمل طور پر کیمیائی ہتیھاروں کے استعمال کے خلاف ہے۔
بریفینگ میں بھارت کی جانب سے مزید کہا گیا کہ کیمیائی ہتھیاروں کے استعمال پر ہونے والی کوئی بھی تحقیقات غیر جانبدارانہ ہونی چاہیے اور اس کا کیمیائی ہتھیاروں کے کنونشن (سی ڈبلیو سی) کی دفعات پر عمل پیرا ہونا ضروری ہے۔
شام کے مسائل پر اقوام متحدہ کی سلامتی کونسل (یو این ایس سی) کی بریفینگ سے خطاب کرتے ہوئے اقوام متحدہ میں بھارت کے مستقل نائب سیاسی کورڈینیٹر آر رویندر نے کہا کہ کیمیکل ویپنس کنوینشن( سی ڈبیلو سی) بلا امتیاز تمام طرح کے کیمیائی ہتھیاروں سے چھٹکارا دلانے کا ایک انوکھا آلہ ہے۔یہ وسیع تباہی پھیلانے والے ہتھیاروں کے خاتمے کا ایک ماڈل ہے۔
اس سے قبل اگست کے مہینے میں اقوام متحدہ میں ہندوستان کے مستقل نمائندے ٹی ایس تیرومورتی نے کہا تھا کہ بھارت دہشت گرد تنظیموں کے کیمیائی ہتھیاروں تک رسائی کے امکان کے حوالے سے بار بار خبردار کرتا آرہا ہے۔شام کے بارے میں اقوام متحدہ کی سلامتی کونسل کی بریفنگ سے خطاب کرتے ہوئے تیرومورتی نے کہا ، "جب سے ہم کونسل میں شامل ہوئے ہیں ، ہندوستان بار بار دہشت گرد تنظیموں تک کیمیائی ہتھیاروں کے رسائی کے امکان کے خلاف خبردار کرتا رہا ہے۔"
