یوکرین میں جاری کشیدگی Ukraine Russia Tension کے پیش نظر کیف میں واقع بھارتی سفارتخانے نے ایک ایڈوائزری جارے کرکے Advisory for Indian Nationals in Ukraine تمام بھارتی شہری جن کا قیام ملک میں غیر ضروری ہے اور تمام بھارتی طلباء کو مشورہ دیا ہے کہ وہ عارضی طور پر یوکرین چھوڑ دیں۔
اس کے علاوہ کیف میں واقع بھارتی سفارتخانے نے بھارتی طلباء کو یہ بھی مشورہ دیا ہے کہ وہ چارٹر پروازوں کے بارے میں اپ ڈیٹس کے لیے متعلقہ کانٹریکٹرز سے بھی رابطہ کریں۔
واضح رہے کہ یوکرین کے معاملے پر مغرب اور روس میں بڑھتی کشیدگی کے تناظر میں بھارت نے اپنے شہریوں کو یوکرین سے نکالنے کے لیے تین خصوصی پروازیں چلانے کا اعلان بھی کر دیا ہے۔
ایئر انڈیا کی جانب سے 22، 24 اور 26 کو یوکرین کے دارالحکومت کیف سے تین خصوصی پروازیں چلائی جائیں گی، ان پروازوں میں بھارتی شہریوں کو یوکرین سے واپس بھارت منتقل کیا جائے گا۔
ایئر انڈیا کی جانب سے جیسے ہی یہ اعلان کیا گیا تو تینوں فلائٹس کی ٹکٹیں فوری طور پر فروخت ہوگئیں۔ ایک شہری نے ٹوئٹر پر اس حوالے سے شکایت کی تو ایئر انڈیا کی جانب سے بتایا گیا کہ انہیں بہت سے شہریوں کی طرف سے ٹکٹوں کی درخواستیں موصول ہو رہی ہیں ، وہ کوشش کر رہے ہیں کہ کسی طرح فلائٹس کی تعداد بڑھا دی جائے۔
اس سے قبل بھی کیف میں بھارتی سفارتخانے کی جانب سے بھی اپنے شہریوں کو یوکرین چھوڑنے کی ہدایت کی گئی تھی۔ بھارتی سفارتخانے نے ان طلبہ کو جلد از جلد واپس اپنے ملک منتقل ہونے کا کہا تھا جن کا یوکرین میں رکنا غیر ضروری ہے
ایمبیسی نے فوری اور ہنگامی خدمات سے متعلق معلومات کے لیے ایک خصوصی ہیلپ لائن نمبر اور ای میل آئی ڈی جاری کیا ہے۔
24x7 ایمرجنسی ہیلپ لائن نمبر یہ ہیں۔
+380 99730483
+380 99730428
ای میل آئی ڈی:
consl.kyiv@mea.gov.in
کیف میں بھارتی سفارت خانے نے درج ذیل نمبر اور ای میل آئی ڈی جاری کیا ہے۔
+380 99730483
+380 99730428
ای میل آئی ڈی:
consl.kyiv@mea.gov.in
نئی دہلی میں وزارت خارجہ نے جو کنٹرول روم قائم کئے ہیں، اس کا ہیلپ لائن نمبر اور ای میل درج ذیل ہے:
ٹول فری : 1800118797
فون:
+91 11 23012113
+91 11 23014104
+91 11 23017905
فیکس:
+91 11 23088124
ای میل آئی ڈی
situationroom@mea.gov.in
