راجستھان پولیس کے انٹیلیجنس ونگ کی اسٹیٹ اسپیشل برانچ کے ذریعہ ایک اہم کارروائی کرتے ہوئے ایک فوج کے جوان کو پاکستانی فوج کی خفیہ ایجنسی کو بھارتی فوج سے متعلق اسٹریٹجک اہمیت کی معلومات بھیجنے کے الزام میں گرفتار کیا گیا ہے۔ ایس ایس بی کے ذریعے کارروائی کرتے ہوئے آکاش مہریا کو گرفتار کیا گیا ہے، جو کہ سکری ضلع کے لکشمن گڑھ کا رہنے والا ہے۔
ملزم ستمبر 2018 میں فوج کی بھرتی کے ذریعے فوج میں بھرتی ہوا تھا اور 2019 میں اپنی ٹریننگ مکمل کرنے کے بعد جولائی سے پاکستانی خاتون ایجنٹ کے ذریعہ فیس بک پر بنائی گئی جعلی آئی ڈی کے ذریعے پاکستانی خفیہ ایجنسی کے رابطے میں آیا تھا۔
پاکستانی خاتون ایجنٹ نے ملزم کو ہنی ٹریپ میں پھنسا کر اس سے بھارتی فوج سے متعلق اسٹریٹجک اہمیت کی خفیہ معلومات حاصل کی۔ ملزم کے فون کی تکنیکی جانچ کی گئی۔ اس میں ملزم کے ذریعے پاکستانی خفیہ ایجنسی کو بھیجی گئی۔ بھارتی فوج سے متعلق اسٹریٹجک اہمیت کی معلومات تھی۔ خاتون ایجنٹ کے ذریعے کی گئی فحش چیٹنگ کا ریکارڈ ملا ہے۔
مزید پڑھیں:
تاقیامت قرآن کا ایک نقطہ بھی تبدیل نہیں کیا جاسکتا: مولانا سجاد نعمانی
اس کیس میں کارروائی کرتے ہوئے ملزم آکاش مہریہ کو آفیشئل سیکریٹ فورس ایکٹ 1923 کے تحت مقدمہ درج کر کے گرفتار کیا گیا ہے۔ راجستھان پولیس کی ایس ایس بی کے ذریعے ملٹری انٹیلیجنس جے پور کے ساتھ مل کر ملزم پر خفیہ نگرانی رکھی جا رہی تھی۔ گذشتہ روز قبل پہلے فوج سے چھٹی لے کر اپنے گاؤں آیا، تب اسے ایس ایس بی کے ذریعے گرفتار کیا گیا۔ فی الحال اس پورے معاملے میں ایس اسی بی کی جانچ جاری ہے، جس میں اور خلاصے ہونے کی امید ہے۔
