مفتی محمد اسماعیل قاسمی نے بتایا کہ دھولیہ شہر سے تعلق رکھنے والے عظیم انصاری اور ان کے رفقاء نے مل کر مسجد حرام اور مسجد نبوی کا ایک خوبصورت ماڈل تیار کیا ہے۔ مفتی محمد اسماعیل نے بتایا کہ انہوں نے مسجد حرام کا ماڈل مختلف مقامات پر دیکھا تھا۔اور اب عظیم انصاری نے مسجد نبوی کا ماڈل بھی بنایا ہے۔ اس ماڈل کو دیکھنے کے بعد اندازہ لگایا جاسکتا ہے کہ کتنی نزاکت اور باریکیوں کو مدنظر رکھتے ہوئے انہوں نے اس ماڈل کو ہوبہو بنایا ہے۔
مفتی محمد اسماعیل قاسمی نے مزید کہا کہ اس ماڈل کو دیکھنے کے بعد یہ اندازہ لگایا جاسکتا ہے کہ اللہ تعالیٰ نے اس ماڈل کے بنانے والے کو کیا خوبی اور صلاحیتوں سے نوازا ہے۔ جس طرح سے عظیم انصاری نے اس ماڈل میں باریک سے باریک چیزوں کو ہوبہو پیش کرنے کی کوشش کی ہے۔
یہ بھی پڑھیں:
مالیگاؤں: تریپورہ میں مسلمانوں پر حملوں کے خلاف احتجاج
اس تعلق سے مفتی محمد اسماعیل قاسمی نے عظیم انصاری اور ان کے رفقاء کو جمعیتہ علماء (مدنی روڈ) اور مسلمانان شہر کی جانب سے مبارکباد پیش کی۔ اس علاؤہ سیوک سوسائٹی کے صدر سہیل ماسٹر نے بتایا کہ اس ماڈل کی زیارت کیلئے مرد کے لئے صبح 9 بجے سے شام 4 بجے تک کا وقت رکھا گیا ہے۔اور خواتین کیلئے شام 4 بجے سے رات 10 بجے کا وقت مقررہ کیا ہے۔
