ریاست مدھیہ پردیش کے دارالحکومت بھوپال میں مساجد کمیٹی بھوپال کے ذریعہ اے بی ہاسپیٹل کے تعاون سے امام و مؤذن اور ان کے اہل و عیال کا مفت علاج کے لیے 'میڈیکل ہیلپ ڈیسک' کا آغاز کیا گیا۔
اس میڈیکل ہیلپ ڈیسک کا افتتاح مساجد کمیٹی کے چیئرمین عبدالحفیظ خان کے ہاتھوں سید مشتاق علی ندوی شہر قاضی کی موجودگی میں کیا گیا-
اس موقع پر مساجد کمیٹی بھوپال کے سیکرٹری ایس ایم سلمان نے بتایا کہ امام و موذنین اور ان کے اہل وعیال کا مفت علاج کیا جائے گا، جس میں ڈاکٹر کے ذریعے کوئی فیس نہیں لی جائے گی اور مساجد کمیٹی بھوپال کے ذریعہ تشکیل شدہ سب کمیٹی، جس میں شہر کے معزز حضرات و سماجی خدمت گار شامل ہیں، ان کے زریعہ دوا مہیا کرائی جائے گی-
ہیلتھ ڈیسک کے ذریعہ نزلہ، زکام، کھانسی، بخار وغیرہ کے ساتھ خواتین کی بیماریوں کا بھی علاج کیا جائے گا- آج کے پروگرام کے بعد ائمہ و مؤذنین کی آنکھوں کا چیک اپ کیا گیا جس کے بعد ائمہ و مؤذنین نے مساجد کمیٹی کے اس قدم کی ستائش کی-
