'اگر وبائی بیماری پھیلتی ہے تو عدالت مناسب کارروائی کر سکتی ہے'

سپریم کورٹ نے کیرالا میں عیدالاضحی کے پیش نظر خریداری کے لیے لاک ڈاؤن میں نرمی کے ریاستی حکومت کے فیصلے کو کالعدم قرار دینے سے انکار کردیا لیکن انتباہ دیا ہے کہ اس فیصلے کی وجہ سے اگر کورونا وبا پھیلتی ہے تو عدالت کی جانب سے مناسب کارروائی کی جاسکتی ہے۔

چیف جسٹس این وی رمن کی سربراہی میں ڈویژن بینچ نے کہا کہ ریاستی حکومت کو آئین کے آرٹیکل 21 اور آرٹیکل 141 کے تحت فیصلہ کرنا چاہیے اور اتر پردیش کی کانوڑ یاترا سے متعلق معاملے میں گائیڈ لائنز پر عمل کیاجانا چاہیے۔

چیف جسٹس نے کہا کہ مذہبی اور دیگر گروپس کو بھی شہریوں کے بنیادی حقوق میں مداخلت کرنے کی اجازت نہیں ہونی چاہیے۔

چیف جسٹس نے ریاستی حکومت کے فیصلے کو روکنے سے انکار کردیا لیکن متنبہ کیا کہ اگر ریاستی حکومت کے فیصلے سے وبائی امراض پھیلتے ہیں تو عدالت مناسب کارروائی کرسکتی ہے۔