حیدرآباد: خانگی اسکول کے طلبہ کیوں جا رہے ہیں سرکاری اسکول؟

خانگی اسکولز کے طلبا و طالبات کے فیس کی ادائیگی نہ کرنے پر اسکولز میں داخلہ نہیں دیا گیا ہے، جس کی وجہ سے خانگی اسکولز کے طلبا و طالبات اب سرکاری اسکول میں داخلہ لے رہے ہیں۔

گورنمنٹ بوائز ہائی اسکول قلعہ گولکنڈہ کے ہیڈ ماسٹر محمد بشیر الدین نے کہا کہ ہر برس سرکاری اسکولز میں 30 فیصد طلبہ ہی داخلہ لیتے تھے- لیکن رواں برس سرکاری اسکولز میں 100 فیصد داخلے ہوئے ہیں- خانگی اسکولز کے طلبہ و طالبات بڑی تعداد میں سرکاری اسکول میں داخلہ لینے آ رہے ہیں لکین خانگی اسکول کے ذمہ دار اپنے ویب سائٹ سے طلبہ و طالبات کے نام نہیں ہٹا رہے ہیں، جس وجہ سے طلبہ کے نام ویب سائٹ پر درج نہیں ہو رہے ہیں-

انہوں مزید کہا کہ پہلے سرکاری اسکولز میں غریب طبقے کے اسٹوڈنٹس داخلہ لیا کرتے تھے لکین اس سال امیر طبقے کے اسٹوڈنٹس بھی داخلہ لے رہے ہیں-

خانگی اسکول کے طلبا کیوں جا رہے ہیں سرکاری اسکول؟

تلنگانہ پیرنٹس اسوسیشن کے صدر آصف حسین سہیل نے کہا کہ خانگی اسکولز میں فیس ادا نہیں کرنے پر طلبا و طالبات کو اسکول سے نکال دیا جارہا ہے، جس کی وجہ سے طلبہ سرکاری اسکول میں داخلہ لے رہے ہیں- انہوں نے کہا کہ تلنگانہ کے وزیر اعلی کے چندرشیکھر راؤ نے کے جی ٹو پی جی KG to PG مفت تعلیم کا وعدہ کیا تھا لیکن ابھی تک پورا نہیں ہوا-