مرکزی داخلہ سکریٹری نے تمام ریاستوں اور مرکز کے زیرانتظام علاقوں کے چیف سکریٹریوں کو خط لکھ کر کہا کہ حال ہی میں ہسپتالوں میں آگ لگنے کے بڑھتے واقعات اور گرمیوں کے موسم کو دیکھتے ہوئے یہ یقینی کئے جانے کی ضرورت ہے کہ ان واقعات کو روکنے کے لئے ایکشن پلان تیار کیاجائے۔
خط میں کہا گیا ہے کہ سبھی ریاست یہ یقینی کریں کہ سبھی سرکاری اور نجی ہسپتالوں خصوصی طور سے کووڈ ہسپتالوں میں مستقبل میں آگ لگنے کا واقعہ پیش نہ آئے۔
مرکزی داخلہ سکریٹری نے سبھی چیف سکریٹریوں سے درخواست کی کہ صحت، توانائی اور فائر بریگیڈ کے افسران کی ٹیموں کو تمام ہسپتالوں اور کووڈ مراکز میں فائر بریگیڈکے اقدامات کا جائزہ لیں اور ان کا عمل بھی یقینی کیا جائے۔ خط میں کہا گیا ہے کہ تمام لوگوں کی زندگیاں بچانا اولین ترجیح ہے اور اس بات کو یقینی بنایا جائے کہ تمام مریضوں کو ضروری طبی سہولیات حاصل ہوں۔
