karnataka Hijab Row: باحجاب طالبات کو امتحان ہال میں داخلہ دینے پر 7 اساتذہ معطل

ضلع گدگ کے ایک اسکول میں باحجاب طالبات کو امتحان ہال میں داخلہ دینے پر 7 اساتذہ کو معطل کردیا گیا ہے۔ کرناٹک میں گزشتہ تین مہینوں سے حجاب کو لیکر تنازعہ جاری ہے۔ Seven Teachers Suspend

ریاست کرناٹک کے ضلع گدگ کے ایک اسکول کے سات اساتذہ کو معطل کردیا گیا ہے، ان اساتذہ پر الزام ہے کہ انہوں نے دسویں جماعت کے امتحانات میں باحجاب طالبات کو امتحان ہال میں داخل ہونے کی اجازت دے۔ معلومات کے مطابق شہر گدگ کے سی ایس پاٹل ہائی اسکول میں امتحانات کے دوران چند طالبات حجاب و برقع پہن کر امتحان ہال میں نظر آئیں، امتحان ہال میں موجود اساتذہ نے طالبات کو حجاب پہن کر امتحان دینے کی اجازت دے دی۔ جس بعد ان اساتذہ کے خلاف کارروائی کی گئی۔ Seven Teachers Suspending For Allowing Girls With Hijab In Exam Hall

باحجاب طالبات کو امتحان ہال میں داخلہ دینے پر 7 اساتذہ معطل

مقامی ایجوکیشن ڈیپارٹمنٹ کے ایک افسر کی رپورٹ کی بنیاد پر پانچ انوجلیٹرز اور دو سپرنٹنڈنٹ کو معطل کر دیا گیا ہے۔ امتحان مرکز میں حجاب پہننے کی اجازت دئے جانے کے بعد امتحان مرکز کے سپرنٹنڈنٹ کے بی بھجنتری، بی ایس ہوناگوڈی اور امتحان ہال کے نگران ایس جی گوڑکے، ایس. ایس. گوجاماگاڈی، وی این کیوڈر، ایس یو ہوکلد، ایس. ایم پتار کو گدگ ضلع کے ڈی ڈی پی آئی جی ایم بسولنگپا کی جانب سے فوری طور پر معطل کئے جانے کے احکام جاری کئے گئے۔

واضح رہے کہ کرناٹک میں گزشتہ 3 مہینوں سے حجاب کو لیکر تنازعہ جاری ہے، حکومت کرناٹک کی جانب سے کلاسز کے اندر حجاب پہننے پر پابندی عائد کی گئی تھی اور حکومت کے اس حکم کو کرناٹک ہائی کورٹ نے برقرار رکھا جس کے بعد اب معاملہ سپریم کورٹ میں ہے۔